എം.ഡി.എം.എയും കഞ്ചാവുമായി കോഴിക്കോട് സ്വദേശി പിടിയില്‍
തൊണ്ടര്‍നാട്: കൊമേഴ്ഷ്യല്‍ ക്വാന്റിറ്റി എം.ഡി.എം.എയും കഞ്ചാവുമായി കോഴിക്കോട് സ്വദേശി പിടിയില്‍. കുറ്റിയാടി, പാലേരി, കോലായിപ്പൊയില്‍ വീട്ടില്‍ അഞ്ചല്‍ റോഷന്‍ (32) നെയാണ് തൊണ്ടര്‍നാട് പോലീസ് പിടികൂടിയത്. കുറ്റിയാടി ഭാഗത്തു നിന്നും കെ എല്‍ 56 എല്‍ 6271 നമ്പര്‍ മോട്ടോര്‍ സൈക്കിള്‍ ഓടിച്ചു വരികയായിരുന്ന ഇയാളെ തടഞ്ഞു നിര്‍ത്തി പരിശോധിച്ചതില്‍ ഇയാളുടെ ഷോള്‍ഡര്‍ ബാഗില്‍ നിന്നും 13. 86 ഗ്രാം എംഡിഎംഎ യും 1.1 ഗ്രാം കഞ്ചാവും കണ്ടെടുക്കുകയായിരുന്നു. ഇന്‍സ്‌പെക്ടര്‍ എസ്.എച്ച്.ഒ.എസ് അഷ്‌റഫിന്റെ നേതൃത്വത്തില്‍ എസ് ഐ മാരായ കെ.പി അബ്ദുള്‍ അസീസ്, ഇ.പ്രശാന്ത്, സീനിയര്‍ സിവില്‍ പോലീസ് ഓഫീസറായ ഇ. എ യൂനസ്, സി.പി.ഓ മാരായ പി.ആര്‍ സുധീഷ്, വിമല്‍ജിത്ത് എന്നിവരാണ് പോലീസ് സംഘത്തിലുണ്ടായിരുന്നത്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍