പ്ലസ് ടു പരീക്ഷാ ഫലം നാളെ പ്രഖ്യാപിക്കും
തിരുവനന്തപുരം: സംസ്ഥാനത്ത് പ്ലസ് ടു, വിഎച്ച്എസ്ഇ പരീക്ഷാ ഫലം നാളെ (ജൂണ് 21 ചൊവ്വാഴ്ച) പ്രഖ്യാപിക്കും. രാവിലെ 11 മണിക്ക് പി ആര് ഡി ചേംബറില് വിദ്യാഭ്യാസ മന്ത്രി വി ശിവന്കുട്ടി ഫലപ്രഖ്യാപനം നടത്തും. keralaresults.nic.in എന്ന സൈറ്റില് നിന്ന് ഫലം അറിയാനാകും.പ്ലസ് ടു പരീക്ഷകള് മാര്ച്ച് 30 മുതല് ഏപ്രില് 22 വരെയായിരുന്നു. പ്രാക്ടിക്കല് പരീക്ഷ മെയ് മൂന്ന് മുതലായിരുന്നു. അതേസമയം പ്ലസ് ടു പരീക്ഷകള്ക്ക് ഇത്തവണയും ഗ്രേസ് മാര്ക്ക് നല്കില്ല. കലാ-കായിക മത്സരങ്ങള് നടത്താത്ത സാഹചര്യത്തിലാണ് വിദ്യാഭ്യാസ വകുപ്പിന്റെ തീരുമാനം. എന്സിസി ഉള്പ്പെടെ ഉള്ളവയ്ക്കും ഗ്രേസ് മാര്ക്ക് ഉണ്ടാകില്ല.
കലാ കായിക മത്സര ജേതാക്കള്ക്കു പുറമേ സ്റ്റുഡന്റ്സ് പൊലീസ് കാഡറ്റ്, എന്സിസി, സ്കൗട്ട് ആന്ഡ് ഗൈഡ്സ്, ലിറ്റില് കൈറ്റ്സ്, ജൂനിയര് റെഡ്ക്രോസ് യൂണിറ്റുകളില് അംഗങ്ങളായ വിദ്യാര്ഥികള്ക്കാണ് ഗ്രേസ് മാര്ക്ക് നല്കിവന്നിരുന്നത്. കോവിഡ് കാരണം ഇത്തരംപ്രവര്ത്തനങ്ങള് കൃത്യമായി നടന്നിട്ടില്ലെന്ന് പറഞ്ഞ് കഴിഞ്ഞവര്ഷം ഗ്രേസ് മാര്ക്ക് നല്കിയിരുന്നില്ല. പകരം, ഉപരിപഠനത്തിന് നിശ്ചിതമാര്ക്ക് ബോണസ് പോയന്റായി നല്കുകയാണുണ്ടായത്.
4,32,436 കുട്ടികളാണ് ഇത്തവണ പ്ലസ് ടു പരീക്ഷ എഴുതിയത്. 3,65,871 പേര് റെഗുലര് ആയും 20,768 പേര് പ്രൈവറ്റായും പരീക്ഷ എഴുതി. 45,795 പേര് ഓപ്പണ് സ്കൂളിന് കീഴില് പരീക്ഷ എഴുതിയിട്ടുണ്ട്. വൊക്കേഷണല് ഹയര് സെക്കന്ററിയില് 31,332 വിദ്യാര്ഥികളാണ് പരീക്ഷ എഴുതിയത്. വിഎച്ച്എസ്ഇ (എന്എസ്ക്യുഎഫ്) 30,158 പേര് റഗുലറായും 198 പേര് പ്രൈവറ്റായും പരീക്ഷ എഴുതി. എസ്എസ്എല്സിക്ക് ഇത്തവണ 99.26 ശതമാനമാണ് വിജയം.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്