തണല് മരം മുറിച്ചതില് വ്യാപക പ്രതിഷേധം
പുല്പ്പളളി: വേനല്ക്കാലത്ത് പാതയോരത്തെ തണല് മരം മുറിച്ചതില് വ്യാപക പ്രതിഷേധം. പുല്പ്പള്ളി മുള്ളന്കൊല്ലി റോഡില് പോലീസ് സ്റ്റേഷന് സമീപം സ്വകാര്യ കെട്ടിടത്തിന് മുന്നിലെ മരമാണ് മുറിച്ചത്. ഗുഡ്സ്,ടെമ്പോ ഡ്രൈവര്മാരുടെ സ്റ്റാന്റായിരുന്ന ഇവിടുത്തെ തൊഴിലാളികള് നട്ട തണല് മരമാണ് സമീപത്തെ കെട്ടിട ഉടമയുടെ ഒത്താശയോടെ മുറിച്ചതെന്ന് ഡ്രൈവര്മാര് ആരോപിച്ചു. തണല്മരം ചില ഉദ്യോഗസ്ഥരുടെ ഒത്താശയോടെ മുറിച്ചുമാറ്റിയതില് നടപടി വേണമെന്നും, തണല്മരത്തിന് മുന്വശത്തായുള്ള പോലീസ് സ്റ്റേഷനിലെ സി.സി ടിവി പരിശോധിച്ച് കുറ്റക്കാരെ കണ്ടെത്തി നടപടി സ്വീകരിക്കണമെന്നും ആവശ്യപ്പെട്ട് പുല്പ്പള്ളി പോലീസ് സ്റ്റേഷനിലും, വില്ലേജിലും, വനം വകുപ്പിനും, ജില്ലാ കലക്ടര്ക്കും ഇവര് പരാതി നല്കിയിട്ടുണ്ട്. സംഭവം വിവാദമായതോടെ പ്രശ്നങ്ങള് ഒതുക്കി തീര്ക്കാനുളള ശ്രമം ശക്തമായിട്ടുണ്ടെന്നും പാതയോരത്ത് ഭീഷണിയായി നില്ക്കുന്ന ഉണക മരങ്ങള് മുറിച്ചു മാറ്റാന് അനുമതി നല്കാത്തവരാണ് ടൗണിലെ നിരവധി പേര്ക്ക് തണല് നല്കിയിരുന്ന മരം മുറിക്കാന് അനുമതി നല്കിയതെന്നും ഇവര് ആരോപിച്ചു
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്