വാളയാറിനും ഹത്രാസിനും ഒരേ മുഖമെന്ന് യൂത്ത് കോണ്ഗ്രസ്
ബത്തേരി:ഉത്തര്പ്രദേശിലെ ഹത്രാസിലും കേരളത്തിലെ വാളയാറിലും ഭരണ കൂടത്തിന്റെ സമീപനം ഒരേ പോലെയാണെന്ന് യൂത്ത് കോണ്ഗ്രസ് സംസ്ഥാന സെക്രട്ടറി എം.കെ ഇന്ദ്രജിത് ആരോപിച്ചു.വാളയാറിലെ പെണ്കുട്ടികള് കൊല്ലപ്പെട്ടതിന്റെ ഒന്നാം വാര്ഷികത്തില് ബത്തേരി നിയോജക മണ്ഡലം യൂത്ത് കോണ്ഗ്രസ് കമ്മിറ്റി ബത്തേരി പോലീസ് സ്റ്റേഷന് മുന്നില് നടത്തിയ പ്രതിഷേധം ഉദ്ഘാടനം ചെയ്തു സംസാരിക്കുക യായിരുന്നു അദ്ദേഹം.വടക്കേ ഇന്ത്യയില് നടക്കുന്നത് പോലെ കേരളത്തിലും സ്ത്രീകള്ക്കും പെണ്കുട്ടികള്ക്കും എതിരെയുള്ള അതിക്രമം വര്ദ്ധിച്ചിരിക്കുന്നു.ഇരയോടൊപ്പം നില്ക്കുന്നതിന് പകരം പ്രതികളോടൊപ്പമാണ് സര്ക്കാര് എന്ന് വാളയാര് സംഭവം തെളിയിച്ചിരിക്കുകായാണെന്നും യൂത്ത് കോണ്ഗ്രസ്ആരോപിച്ചു.നിയോജക മണ്ഡലം പ്രസിഡന്റ് സിറില് ജോസ് അദ്ധ്യക്ഷത വഹിച്ചു.ജില്ലാ സെക്രട്ടറിമാരായ അഫ്സല് ചീരാല്, സിജു പൗലോസ്, ബത്തേരി മണ്ഡലം പ്രസിഡന്റ് യുനസലി എന്നിവര് സംസാരിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്