തൊഴുത്തില്‍ കയറിയ കടുവ കറവപശുവിനെ കൊന്നു
ബത്തേരി:പഴൂര്‍ മുണ്ടക്കൊല്ലി കരുവള്ളി വട്ടതൊട്ടിയില്‍ രാഘവന്റെ മൂന്ന് വയസ്സോളം പ്രായമുള്ള കറവ പശുവിനെയാണ് കടുവ കൊന്നത്. രണ്ട്പശുക്കളാണ് രാഘവനുണ്ടായിരുന്നത്. പുലര്‍ച്ചെ പശുവിന്റെ കരച്ചില്‍ കേട്ട് പുറത്തിറങ്ങിയ വീട്ടുകാരാണ് പശുവിന്റെ ജഢം ആദ്യം കണ്ടത്. പശുവിനെയും വലിച്ചു കൊണ്ട് കാട്ടിലേക്ക് പോകുന്നതിനിടെ വീട്ടുകാര്‍ എണീറ്റ് ലൈറ്റിട്ടതോടെ തൊഴുത്തിന് സമീപത്തെ ചാണക കുഴിയില്‍ പശുവിന്റെ ജഢം ഉപേക്ഷിച്ച് കടുവ കടന്നു കളയുകയായിരുന്നു. 20 ലിറ്ററോളം പാല്‍ കറന്നിരുന്ന പശുവാണ് കൊല്ലപ്പെട്ടത്. വീട്ടുകാരുടെ ഏക വരുമാന മാര്‍ഗ്ഗമായിരുന്നു ഈ പശുവെന്നും പറയുന്നു. സ്ഥലത്തെത്തിയ വനപാലകര്‍ തുടര്‍ നടപടികള്‍ സ്വീകരിച്ചു വരികയാണ്. അര്‍ഹമായ നഷ്ട പരിഹാരം കര്‍ഷകന് നല്‍കുമെന്ന് വനപാലകര്‍ അറിയിച്ചിട്ടുണ്ട്.പ്രദേശത്തുണ്ടായ കടുവാ ആക്രമണത്തില്‍ നാട്ടുകാരും ആശങ്കയിലായിരിക്കുകയാണ്. തങ്ങളുടെയും, വളര്‍ത്ത് മൃഗങ്ങളുടേയും ജീവന് സുരക്ഷ ഒരുക്കണമെന്നതാണ് പ്രദേശവാസികളുടെ ആവശ്യം
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍