കൊറോണ വൈറസ്;വയനാട് ജില്ലയില് 404 പേര്കൂടി നിരീക്ഷണത്തില്
കല്പ്പറ്റ:കോവിഡ് പ്രതിരോധത്തിന്റെ ഭാഗമായി വയനാട് ജില്ലയില് ഇന്ന് 404 പേരാണ് പുതുതായി നിരീക്ഷണത്തിലായത്. ജില്ലയില് ആകെ 3450 പേര് നിലവില് നിരീക്ഷണത്തില് കഴിയുന്നുണ്ട്. ഇതില് 1397 പേര് കോവിഡ് കെയര് സെന്ററുകളിലാണ് നിരീക്ഷണത്തില് കഴിയുന്നത്.രോഗം സ്ഥിരീകരിച്ച് ചികിത്സയില് കഴിയുന്ന 11 പേര് ഉള്പ്പെടെ 17 പേര് മാനന്തവാടി ജില്ലാ ആശുപത്രിയിലും ചികിത്സയിലുണ്ട്.ജില്ലയില് നിന്നും ഇതുവരെ പരിശോധനയ്ക്ക് അയച്ച 1499 സാമ്പിളുകളില് 1282 എണ്ണത്തിന്റെ ഫലം ലഭിച്ചു. ഇതില് 1259 എണ്ണം നെഗറ്റീവാണ്.ഇന്ന് അയച്ച 37 സാമ്പിളുകളുടെ പരിശോധനാ ഫലം ഉള്പ്പെടെ 210 സാമ്പിളുകളുടെ ഫലം ലഭിക്കുവാന് ബാക്കിയുണ്ട്.ഇന്ന് അയച്ച 37 സാമ്പിളുകളില് പ്രാഥമിക സമ്പര്ക്ക പട്ടികയില് ഉള്പ്പെട്ട 4 പേരുടെ സാമ്പിളുകള് ഉള്പ്പെടുന്നു.ഇതുകൂടാതെ സാമൂഹ്യ വ്യാപനം നടന്നിട്ടുണ്ടോ എന്ന് പരിശോധിക്കുന്നതിന്റെ ഭാഗമായി ജില്ലയില് നിന്നും ആകെ 1571 സാമ്പിളുകള് പരിശോധനയ്ക്കായി അയച്ചിട്ടുണ്ട്. ഇതില് 1344 എണ്ണത്തിന്റെ ഫലം ലഭിച്ചതില് 1344 ഉം നെഗറ്റീവാണ്. ജില്ലാ മാനസികാരോഗ്യ പരിപാടിയുടെ നേതൃത്വത്തില് നിരീക്ഷണത്തില് കഴിയുന്ന 567 പേര്ക്ക് കൗണ്സലിംഗും നല്കിയിട്ടുണ്ട്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്