മാനിനെ വേട്ടയാടാനുള്ള ശ്രമത്തിനിടെ തോക്ക് സഹിതം ഒരാള് അറസ്റ്റില് ; മൂന്ന് പേര് ഓടി രക്ഷപ്പെട്ടു
തിരുനെല്ലി:തിരുനെല്ലി റിസര്വ്വ് ഫോറസ്റ്റില് മല്ലികപ്പാറ ഭാഗത്ത് വെച്ച് മാന് വേട്ട സംഘത്തിലെ ഒരാളെ വനം വകുപ്പ് അറസ്റ്റ് ചെയ്തു. തോല്പ്പെട്ടി നരിക്കല്ല് സ്വദേശി നടുകണ്ടി മുഹമ്മദ് ഷാഫി ( 24 ) ആണ് അറസ്റ്റിലായത്. ഇയ്യാളുടെ കൂടെയുണ്ടായിരുന്ന തോല്പ്പെട്ടി സ്വദേശികളായ നൗഷാദ്, സെയ്തലവി, അബ്ദുള് റഹീം എന്നിവര് ഓടി രക്ഷപ്പെട്ടു. ഇവര്ക്കെതിരെ കേസെടുത്തിട്ടുണ്ട്. മാനിനെ ഇവര് വെടിവെച്ചെങ്കിലും കൊണ്ടില്ല. രഹസ്യ സൂചനയെ തുടര്ന്ന് സ്ഥലത്തെത്തിയ ബേഗൂര് റെയിഞ്ച് ഓഫീസര് വി രതീശനും സംഘവും വേട്ട സംഘത്തെ വളയുകയായിരുന്നു. സംഘത്തില് നിന്നും തോക്കും തിരകളും കത്തിയുമടക്കമുള്ള ആയുധങ്ങളും പിടിച്ചിട്ടുണ്ട്.ഇന്ന് പുലര്ച്ചേ മൂന്ന് മണിയോടെയാണ് സംഭവം. ഡെപ്യുട്ടി റെയിഞ്ചര് എം വി ജയപ്രകാശ്, എന്നിവരും വനപാലസംഘത്തിലുണ്ടായിരുന്നു. ലൈസന്സില്ലാത്ത തോക്കിന്റെ ഉടമയെ കുറിച്ചും അന്വേഷണം നടത്തുന്നുണ്ട്. മജിസ്ട്രേറ്റ് മുമ്പാകെ ഹാജരാക്കിയ പ്രതിയെ റിമാണ്ട് ചെയ്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്