രാഹുല് സമാനകളില്ലാത്ത വ്യക്തിത്വം : പ്രിയങ്ക ഗാന്ധി;സി.പി.എമ്മിനെതിരെ ഒരു വാക്കു പോലും ഉച്ഛരിക്കാതെ പ്രിയങ്ക
മാനന്തവാടി: തന്റെ സഹോദരനെന്ന നിലയില് ജനനം മുതല് തനിക്കറിയാവുന്ന രാഹുല് സമാനതകളില്ലാത്ത വ്യക്തിത്വമാണെന്ന് പ്രിയങ്കാ ഗാന്ധി.രാഹുല്ഗാന്ധിയുടെ തെരഞ്ഞെടുപ്പ് പ്രചരണാര്ത്ഥം വയനാട്ടിലെത്തിയ പ്രിയങ്ക മാനന്തവാടി വള്ളിയൂര്ക്കാവ് ക്ഷേത്ര മൈതാനിയിലെ തെരഞ്ഞെടുപ്പ് പ്രചാരണ യോഗത്തില് സംസാരിക്കുകയായിരുന്നു. രാഹുലിനെ നിങ്ങള് വിജയിപ്പിച്ചാല് ഒരിക്കലും രാഹുല് വയനാടിനെ കൈവിടില്ല.ബി ജെ പിയുടേത് വിഭജന രാഷ്ട്രീയം മാത്രമാണെന്നും ഇന്ത്യ ഉണ്ടാക്കിയ പ്രശസ്തിയും നേട്ടവുമെല്ലാം അവര് ഇല്ലാതാക്കിയെന്നും പ്രിയങ്ക കുറ്റപ്പെടുത്തി. എന്നാല് പ്രസംഗത്തില് ഒരിടത്തു പോലും വയനാട്ടിലെ മുഖ്യ ശത്രുവായ സി പി എമ്മിനെ കുറിച്ച് ഒരു വാക്കു പോലും പ്രിയങ്കാ ഗാന്ധി പരാമര്ശിച്ചിട്ടില്ലെന്നുള്ളതും ശ്രദ്ധേയമായിബി ജെ പിയുടേത് വിഭജന രാഷ്ട്രീയം മാത്രമാണെന്നും ഇന്ത്യ ഉണ്ടാക്കിയ പ്രശസ്തിയും നേട്ടവുമെല്ലാം അവര് ഇല്ലാതാക്കിയെന്നും പ്രിയങ്ക കുറ്റപ്പെടുത്തി. രാജ്യത്തെ സാധാരണക്കാരുടെ കാര്യത്തില് ബി ജെ പിക്ക് താല്പര്യമില്ലെന്നും പ്രിയങ്ക കൂട്ടിച്ചേര്ത്തു. കഴിഞ്ഞ അഞ്ചുവര്ഷത്തെ ഭരണം കൊണ്ട് ജനങ്ങള് ഒരുപാട് ദുരന്തങ്ങള് അനുഭവിച്ചതായും പ്രിയങ്ക പറഞ്ഞു.എന്നാല് കോണ്ഗ്രസ് അധികാരത്തില് വന്നാല് കര്ഷകര്ക്കും ആദിവാസികള്ക്കും നല്കിയ വാഗ്ദാനം നിറവേറ്റും. കര്ഷകരെ മോഡി സര്ക്കാര് വഞ്ചിച്ചിരിക്കുകയാണ്. മോഡി സര്ക്കാര് നിലകൊള്ളുന്നത് തന്നെ രാജ്യത്തെ ചില വ്യക്തികള്ക്കുവേണ്ടിയാണെന്നും പ്രിയങ്ക പറഞ്ഞു.
അഞ്ചുവര്ഷങ്ങള്ക്ക് മുന്പ് ഒരു സര്ക്കാര് വലിയ ഭൂരിപക്ഷത്തോടെ അധികാരത്തിലെത്തി. ഇന്ത്യയിലെ ജനങ്ങള് ബി ജെ പി സര്ക്കാരില് വിശ്വാസവും പ്രതീക്ഷയും വച്ചുപുലര്ത്തി. ആ സര്ക്കാര്, അധികാരത്തിലെത്തിയപ്പോള് തന്നെ ജനങ്ങളുടെ വിശ്വാസം തകര്ക്കാന് ആരംഭിച്ചു. അധികാരം അവര്ക്കാണെന്നും ജനങ്ങളില് അല്ലെന്നും അവര് വിശ്വസിച്ചു. തെരഞ്ഞെടുപ്പിന് മുന്പ് എല്ലാവരുടെയും അക്കൗണ്ടുകളില് 15 ലക്ഷം നിക്ഷേപിക്കുമെന്നു പറഞ്ഞ അവര് അത് തെരഞ്ഞെടുപ്പ് മുന്നില് കണ്ടാണെന്നു തുറന്നുപറഞ്ഞുവെന്നും പ്രിയങ്ക പറഞ്ഞു.
സഹോദരന് രാഹുലിന് വേണ്ടി വോട്ടുതേടാനായി ഇന്ന് രാവിലെ കണ്ണൂര് വിമാനത്താവളത്തില് നിന്ന് ഹെലികോപ്ടര് മാര്ഗ്ഗം 12 മണിക്ക് ശേഷമാണ് പ്രിയങ്ക മാനന്തവാടിയില് എത്തിയത്.എ .ഐ . സി.സി. ,കെ.പി. സി.സി. ,യു.ഡി.എഫ്. ഭാരവാഹികളും തിരഞ്ഞെടുപ്പ് കമ്മിറ്റി ഭാരവാഹികളും ചേര്ന്ന് പ്രിയങ്ക ഗാന്ധിയെ സ്വീകരിച്ചു. പതിനായിരങ്ങളാണ് പൊരി വെയിലിലും പ്രിയങ്കയെ കാണാനും പ്രസംഗം കേള്ക്കാനും എത്തിയത്. തുടര്ന്ന് പുല്പ്പള്ളിയിലെ കര്ഷക സംഗമത്തിലും പങ്കെടുത്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്