ആദിവാസി സാക്ഷരത അവലോകന യോഗങ്ങള്‍
ജില്ലയിലെ 300 ആദിവാസി കോളനികളിലായി നടക്കുന്ന ആദിവാസി സാക്ഷരതാ പദ്ധതിയുടെ ഇന്‍സ്ട്രക്ടര്‍മാരുടെ ബ്ലോക്ക്തല അവലോകന യോഗങ്ങള്‍ സെപ്റ്റംബര്‍ 25ന് രാവിലെ 10ന് മാനന്തവാടി ബ്ലോക്ക് ഹാള്‍, 26ന് ബത്തേരി ബ്ലോക്ക് ഹാള്‍, 27ന് പനമരം പഞ്ചായത്ത് ഹാള്‍, 28ന് കല്‍പ്പറ്റ കളക്‌ട്രേറ്റ് കോണ്‍ഫറന്‍സ് ഹാള്‍ എന്നിവിടങ്ങളില്‍ നടക്കും. മുഴുവന്‍ ഇന്‍സ്ട്രക്ടര്‍ മാരും പ്രേരക്മാരും കോ-ഓഡിനേറ്റര്‍മാരും യോഗത്തില്‍ പങ്കെടുക്കണമെന്ന് സാക്ഷരതാ മിഷന്‍ ജില്ലാ കോ-ഓര്‍ഡിനേറ്റര്‍ അറിയിച്ചു. ആദിവാസി സാക്ഷരതാ പഠിതാക്കള്‍ക്ക് കാനറാ ബാങ്ക് നോട്ട് ബുക്ക് നല്‍കും. ജില്ലയിലെ 300 ആദിവാസി കോളനികളില്‍ നടക്കുന്ന സാക്ഷരതാ ക്ലാസിലേക്ക് പഠിതാക്കള്‍ക്ക് 5000 നോട്ട് ബുക്ക് ജില്ലാ ലീഡ് ബാങ്ക് ആയ കാനറാബാങ്ക് നല്‍കുമെന്ന് മാനേജര്‍ എം.ഡി.ശ്യാമള അറിയിച്ചു. ഇന്‍സ്ട്രക്ടര്‍മാര്‍ക്കുള്ള മൂന്നാം ഘട്ട പരിശീലനം കളക്‌ട്രേററ് കോണ്‍ഫ്രന്‍സ് ഹാളില്‍ നടത്തി. ജില്ലാ കോ-ഓര്‍ഡിനേറ്റര്‍ സി.കെ.പ്രദീപ് കൂമാര്‍ അധ്യക്ഷത വഹിച്ചു. അസിസ്റ്റന്റ് കോ-ഓര്‍ഡിനേറ്റര്‍ പി.എന്‍.ബാബു, പി.മൊയ്തൂട്ടി, കെ.ഫിലോമിന, സ്വയാ നാസര്‍, പി.വി.ജാഫര്‍ എന്നിവര്‍ പ്രസംഗിച്ചു.
