6.300 ലിറ്റര് കര്ണ്ണാടക നിര്മ്മിത വിദേശമദ്യം പിടികൂടി
മാനന്തവാടി: മാനന്തവാടി എക്സൈസ് റെയിഞ്ച് ഇന്സ്പെക്ടര് പി.ജി രാധാകൃഷ്ണന് നേതൃത്വത്തിലുള്ള സംഘം രാത്രികാല സ്ട്രൈക്കിംഗ് എന്ഫോഴ്സ്മെന്റിന്റെ ഭാഗമായി തൃശ്ശിലേരി പാല്വെളിച്ചം ഭാഗത്ത് നടത്തിയ വാഹന പരിശോധനയില് ബൈക്കില് കടത്തുകയായിരുന്ന 70 ടെട്രാ പായ്ക്കറ്റുകളിലായി 6.300 ലിറ്റര് കര്ണ്ണാടക നിര്മ്മിത വിദേശമദ്യവുമായി രണ്ടു പേരെ പിടികൂടി. മാനന്തവാടി പയ്യമ്പള്ളി സ്വദേശികളായ ഇഞ്ചികാലായില് വീട്ടില് ജോബിന് ജോര്ജ്ജ് (34), കൂടല്ക്കടവ് കുമരപ്പള്ളില് വീട്ടില് ബിനു ബേബി (33) എന്നിവരാണ് പിടിയിലായത്.എക്സൈസ് പ്രിവന്റീവ് ഓഫീസര് സുരേഷ് വെങ്ങാലികുന്നേല്, സിവില് എക്സൈസ് ഓഫീസര്മാരായ അജേഷ് വിജയന്, വിപിന് വില്സണ്, ഡ്രൈവര് റഹിം എന്നിവര് പരിശോധനയില് പങ്കെടുത്തു. പ്രതികളെ മാനന്തവാടി ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി രണ്ട് മുമ്പാകെ ഹാജരാക്കും.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്