മുണ്ടെക്കൈ ചൂരല്മല പുനരധിവാസം; എഐടിയുസി സംസ്ഥാന കൗണ്സിലിന്റെ തൊഴിലാളി കണ്വെന്ഷന് നാളെ
കല്പ്പറ്റ: മുണ്ടെക്കൈ ചൂരല്മല പുനരധിവാസ പ്രവര്ത്തനങ്ങള് വേഗത്തിലാക്കുന്നതുമായി ബന്ധപ്പെട്ട് എഐടിയുസി സംസ്ഥാന കൗണ്സിലിന്റെ നേതൃത്വത്തില് നാളെ (മാര്ച്ച് 13 ) രാവിലെ 10 മണിക്ക് മേപ്പാടി സെന്റ് ജോസഫ്സ് ചര്ച്ച് ഹാളില് വെച്ച് തൊഴിലാളി കണ്വെന്ഷന് നടത്തും. റവന്യു വകുപ്പ് മന്ത്രി കെ രാജന് കണ്വെന്ഷന് ഉദ്ഘാടനം ചെയ്യും. സംസ്ഥാന ജനറല് സെക്രട്ടറി കെ പി രാജേന്ദ്രന്, പ്രസിഡന്റ് ടി ജെ ആഞ്ചലോസ്, വൈസ് പ്രസിഡന്റ് സി പി മുരളി, ആര് പ്രസാദ് സംസ്ഥാന നേതാക്കള്, എം പി, എംഎല്എ തുടങ്ങിയവര് പങ്കെടുക്കും. ദുരന്തത്തെ തുടര്ന്ന് അനാഥരായ കുട്ടികളുടെ വിദ്യാഭ്യാസം, സംരംഭങ്ങള് നഷ്ടപ്പെട്ടവര്ക്കുള്ള തുടര് സഹായങ്ങള് തുടങ്ങി എഐടിയുസി നടത്തുന്ന ഭാവി പ്രവര്ത്തനങ്ങള്, സര്ക്കാര് പുനരധിവാസ പ്രവര്ത്തനങ്ങളെ സഹായിക്കല് എന്നീ
പ്രവര്ത്തനങ്ങള്ക്ക് കണ്വന്ഷന് തുടക്കമിടും. ദുരിതബാധിതരടക്കമുള്ള 200 പേരെ കണ്വെന്ഷനില് പങ്കെടുക്കുമെന്ന് ജില്ലാ ജനറല് സെക്രട്ടറി സി എസ് സ്റ്റാന്ലി അറിയിച്ചു
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്