ബത്തേരിയില് വന് മയക്കുമരുന്ന് വേട്ട അരക്കിലോയോളം എംഡിഎംഎപിടിച്ചു; മൂന്ന് യുവാക്കള് അറസ്റ്റില്
ബത്തേരി: ബത്തേരി പോലീസ് ഇന്സ്പെക്ടര് എം.എ സന്തോഷും സംഘവും ദേശീയ പാതയില് മുത്തങ്ങ ആര് ടി ഒ ചെക്ക് പോസ്റ്റിന് സമീപം നടത്തിയ വാഹന പരിശോധനയില് കാറില് കടത്തുകയായിരുന്ന അരക്കിലോയോളം അതി മാരക മയക്കുമരുന്നായ എംഡി എം എ പിടികൂടി. മയക്കുമരുന്ന് കടത്തിയ കൊടുവള്ളി വാവാട് പുല്ക്കുഴിയില് മുഹമ്മദ് മിദ് ലജ് (28), ബത്തേരി പള്ളിക്കണ്ടി സ്വദേശികളായ നടുവില് പീടികയില് ജാസിം അലി (26), പുതിയ വീട്ടില് അഫ്താഷ് (29) എന്നിവരെ അറസ്റ്റു ചെയ്തു. കെ എല് 11 ബി എസ് 7376 നമ്പര് കാറിന്റെ ഡാഷ് ബോര്ഡിനുള്ളില് ഒളിപ്പിച്ച 492 ഗ്രാം എംഡി എം എ യാണ് പിടികൂടിയത്. മില്ലിഗ്രാം പിടികൂടിയാല് പോലും ഗൗരവകരമായ കുറ്റമാണെന്നിരിക്കെയാണ് 492 ഗ്രാം എംഡിഎംഎ പിടികൂടിയത്. വിപണിയില് ലക്ഷങ്ങള് വിലമതിക്കുന്നതാണിത്.സബ് ഇന്സ്പെക്ടര് പി ഡി റോയിച്ചന്, സിനിയര് സിവില് പോലീസ് ഓഫീസര് മാരായ ഗോപാലകൃഷ്ണന് , സി പി ഒ മാരായ നൗഫല്, അജിത്ത്, രജീഷ്എസ് സി പി ഒ (ഡ്രൈവര്) മധു എന്നിവരും പരിശോധനാ സംഘത്തിലുണ്ടായിരുന്നു
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്