കൃഷിനാശം സംഭവിച്ച കര്ഷകര്ക്ക് നഷ്ടപരിഹാരം നല്കണമെന്ന് ലീഗ്
കല്പ്പറ്റ: അപ്രതീക്ഷിതമായുണ്ടായ പ്രകൃതിക്ഷോഭത്തെ തുടര്ന്ന് കാര്ഷിക മേഖലക്ക് ഉണ്ടായ നാശനഷ്ടത്തിന് കര്ഷകര്ക്ക് ഉചിതമായ നഷ്ടപരിഹാരം നല്കാന് സര്ക്കാര് അടിയന്തര നടപടിയെടുക്കണമെന്ന് മുസ്ലിംലീഗ് വയനാട് ജില്ലാ കമ്മിറ്റി ആവശ്യപ്പെട്ടു. വന്യജീവിശല്യം മൂലം ഏറെ പ്രയാസമനുഭവിക്കുന്ന ജില്ലയിലെ കര്ഷകര്ക്ക് വീണ്ടുമൊരു ആഘാതമായിരിക്കയാണ് ഈയിടെയുണ്ടായ ശക്തമായ കാറ്റും, മഴയും. ജനങ്ങളുടെ ജീവനും, സ്വത്തിനും, കാര്ഷിക വിളകള്ക്കുമുണ്ടായ നാശനഷ്ടം ഏറെ വലുതാണ്. കര്ഷക്ക് ആശ്വാസമായി നഷ്ടപരിഹാരം നല്കാന് സര്ക്കാര് തലത്തില് അടിയന്തര നടപടികള് വേണമെന്നും യോഗം ആവശ്യപ്പെട്ടു.പ്രസിഡന്റ് പി.പി.എ കരീം അധ്യക്ഷത വഹിച്ചു. സെക്രട്ടറി കെ.കെ അഹമ്മദ് ഹാജി സ്വാഗതം പറഞ്ഞു. എം.എ മുഹമ്മദ് ജമാല്, എന്.കെ റഷീദ്, ടി മുഹമ്മദ്, എം മുഹമ്മദ് ബഷീര്, കെ നൂറുദ്ദീന്, റസാഖ് കല്പ്പറ്റ, പി.പി അയ്യൂബ്, ടി ഹംസ, എം.എ അസൈനാര്, പി ഇസ്മായില്, അബ്ദുല്ല മാടക്കര, എം.പി നവാസ്, പി.കെ അബ്ദുല്അസീസ്, റിന്ഷാദ് സംസാരിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്