ബംഗാള് ഉള്ക്കടലില് പുതിയ ന്യൂനമര്ദ്ദം രൂപപ്പെടാന് സാധ്യത ; സംസ്ഥാനത്ത് ഇന്ന് ശക്തമായ മഴയ്ക്ക് സാധ്യത; വയനാട് ജില്ലയിലും യെല്ലോ അലേര്ട്ട്
തിരുവനന്തപുരം: ബംഗാള് ഉള്ക്കടലില് പുതിയ ന്യൂനമര്ദ്ദം രൂപപ്പെടാന് സാധ്യത. മധ്യ കിഴക്കന് അറബിക്കടലില് മഹാരാഷ്ട്ര തീരത്ത് പുതിയ ന്യൂനമര്ദം നാളെത്തോടെ രൂപപ്പെടുമെന്നാണ് റിപ്പോര്ട്ട്.കോമറിന് ഭാഗത്തും സമീപ ശ്രീലങ്കന് തീരത്തുമായി ചക്രവാതചുഴിയും നിലനില്ക്കുന്നു. സംസ്ഥാനത്ത് ഇന്ന് ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥവകുപ്പ് മുന്നറിയിപ്പ് നല്കി. തിരുവനന്തപുരം, കൊല്ലം ഒഴികെയുള്ള 12 ജില്ലകളില് നാളെ യെല്ലോ അലേര്ട്ട് പ്രഖ്യാപിച്ചു. ഇടിമിന്നലിനും ശക്തമായ കാറ്റിനും സാധ്യതയുണ്ട്. മലയോര മേഖലകളില് ഓറഞ്ച് അലര്ട്ടിന് സമാനമായ ജാഗ്രത പാലിക്കാന് സംസ്ഥാന ദുരന്തനിവാരണ അതോറിറ്റി നിര്ദ്ദേശിച്ചു.
കടലില് ശക്തമായ കാറ്റിന് സാധ്യതയുള്ളതിനാല് മത്സ്യതൊഴിലാളികളും തീരദേശവാസികളും ജാഗ്രത പാലിക്കണം.കേരള, കര്ണാടക തീരങ്ങളില് മത്സ്യബന്ധനത്തിന് വിലക്ക്. ബംഗാള് ഉള്ക്കടലില് തെക്കന് ആന്തമാന് കടലില് രൂപപ്പെടുന്ന ന്യൂന മര്ദ്ദം പടിഞ്ഞാറു വടക്ക് പടിഞ്ഞാറു ദിശയില് സഞ്ചരിച്ച് തുടര്ന്നുള്ള 48 മണിക്കൂറില് തെക്ക് കിഴക്കന് ബംഗാള് ഉള്കടലില് പ്രവേശിച്ച് തീവ്ര ന്യൂനമര്ദ്ദമായി ശക്തി പ്രാപിക്കാന് സാധ്യതയെന്നും കാലാവസ്ഥ നിരീക്ഷണ കേന്ദ്രം പ്രവചിക്കുന്നു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്