റീത്ത് വെച്ച് പ്രതിഷേധിച്ചു
വാഴവറ്റ:വാഴവറ്റയിലെ കേരള ഗ്രാമീണ്‍ ബാങ്കിന്റെ നിയന്ത്രണത്തിലുള്ള എടിഎം കൗണ്ടര്‍ 1 മാസമായി പൂട്ടികിടക്കുകയാണ്.പലതവണ ഡിവൈഎഫ്‌ഐ പ്രവര്‍ത്തകര്‍ ബാങ്ക് മനേജരുടെ ശ്രദ്ധയില്‍പ്പെടുത്തുകയും നിവേദനം നല്‍കുകയും ചെയ്തു.എന്നിട്ടും ഒരുതരത്തിലുള്ള നടപടികളും സ്വീകരിക്കത്തതിനാലാണ് ഡിവൈഎഫ്‌ഐ വാഴവറ്റ മേഖലാ കമ്മിറ്റി എടിഎം കൗണ്ടറില്‍ റീത്ത് വെച്ച് പ്രതിഷേധിച്ചത്.വാഴവറ്റയിലെ എടിഎം പ്രവര്‍ത്തനരഹിതമായതോടെ ജനങ്ങള്‍ ആശ്രയിച്ചിരുന്നത് മീനങ്ങാടി ടൗണിലുള്ള എടിഎം കൗണ്ടറായിരുന്നു. മീനങ്ങാടി കണ്ടൈന്‍മെന്റ് സോണായതോടെ ജനങ്ങളുടെ ബുദ്ധിമുട്ട് ഇരട്ടിച്ചു. അടിയന്തരമായി എടിഎം കൗണ്ടര്‍ പ്രവര്‍ത്തനക്ഷമമാക്കുന്നതിനാവശ്യമായ നടപടി സ്വീകരിച്ചില്ലെങ്കില്‍ ശക്തമായ പ്രതിഷേധ പരിപാടികളുമായി മുന്നോട്ട് പോകുമെന്ന് ഡിവൈഎഫ്‌ഐ വാഴവററ മേഖലാ സെക്രട്ടറി മുഹമ്മദ് ഷജീദ് അറിയിച്ചു.ഡിവൈഎഫ്‌ഐ വഴവറ്റ മേഖല പ്രസിഡന്റ് രെജീഷ് ,യൂണിറ്റ് സെക്രട്ടറി നിധില്‍ വി.പി,അന്‍ഷിര്‍,സുനീഷ് എന്നിവര്‍ പ്രതിഷേധ സമരത്തില്‍ പങ്കെടുത്തു .
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍