നാടിനൊപ്പം വിദ്യാര്ത്ഥികളും കൃഷിയിടത്തിലേക്ക്
ബത്തേരി:'സമഗ്രമായ കൃഷി സമൃദ്ധമായ നാട് 'എന്ന മുദ്രാവാക്യമുയര്ത്തി എസ്എഫ്ഐ യുടെ കാര്ഷിക സബ് കമ്മിറ്റിയായ 'സമൃദ്ധി' യുടെ ഭാഗമായി എസ്എഫ്ഐ സുല്ത്താന് ബത്തേരി ഏരിയ കമ്മിറ്റി 30 സെന്റ് സ്ഥലത്ത് കൃഷി ആരംഭിച്ചു, കപ്പ,മുളക്,ചീര തുടങ്ങിയ കാര്ഷിക വിളകളാണ് കൃഷിയിടത്തിലുള്ളത്. നേരത്തെ ഏരിയക്ക് കീഴിലെ എസ്എഫ്ഐ പ്രവര്ത്തകരുടെ വീടുകളില് കൃഷി ആരംഭിച്ചിരുന്നു.ലോക്കല് കമ്മിറ്റികളിലും കൃഷിക്കായുള്ള മുന്നൊരുക്കങ്ങള് ആരഭിച്ചിട്ടുണ്ട്.വിദ്യാര്ത്ഥികളില് നിന്ന് മികച്ച പിന്തുണ ലഭിച്ചതിനെ തുടര്ന്ന് ഒരേക്കര് നെല് കൃഷി നടത്തുന്നത്തിനായുള്ള വയല് ഏറ്റെടുത്തതായി ഏരിയകമ്മിറ്റി അറിയിച്ചു.പദ്ധതിയുടെ ഏരിയ തല ഉദ്ഘടാനം കോളിയാടിയിലെ കൃഷിയിടത്തില്വച്ച് എസ്എഫ്ഐ ജില്ലാ സെക്രട്ടറി ജോബിസണ് നിര്വഹിച്ചു.ജില്ലാ ജോയിന്റ് സെക്രട്ടറി ജിഷ്ണു ഷാജി, ഏരിയ പ്രസിഡന്റ് റിയാസ്, ഏരിയ സെക്രട്ടറിയേറ്റ് അംഗം അഖില് , അജയ്,രാഹുല്, അജ്മല് തുടങ്ങിയവര് പങ്കെടുത്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്