കാട്ടാനകളെ തുരത്താനുള്ള ശ്രമം ;പൊതുജനത്തിന് ജാഗ്രതാ നിര്‍ദ്ദേശം; ഗതാഗതം നിരോധിക്കും
കമ്പളക്കാട്:കമ്പളക്കാട് കല്ലഞ്ചിറ, ചിത്രമൂല ഭാഗങ്ങളില്‍ ജനവാസ മേഖലയിലിറങ്ങിയ കാട്ടാനകളെ കാട്ടിലേക്ക് തുരത്താനുള്ള ശ്രമം ഉടന്‍ ആരംഭിക്കും. ഇതിന്റെ ഭാഗമായി ഇന്ന് വൈകുന്നേരം മൂന്ന് മണിമുതല്‍ മീനങ്ങാടിപച്ചലക്കാട്ടി റൂട്ടില്‍ ഗതാഗതം നിരോധിക്കും. തുടര്‍ന്ന് നാല് മണിയോടെ നടവയല്‍കേണിച്ചിറ റൂട്ടിലും ഗതാഗത നിയന്ത്രണം ഏര്‍പ്പെടുത്തും.ഈ സമയത്ത് യാത്രക്കാര്‍ വാഹനങ്ങളുമായി നിരത്തിലിറങ്ങരുതെന്നും, പൊതുജനം വീട്ടിന് പുറത്തിറങ്ങാതിരിക്കാന്‍ ശ്രദ്ധിക്കണമെന്നും അധികൃതര്‍ മുന്നറിയിപ്പ് നല്‍കി. രണ്ടാനകളാണ് പ്രദേശത്ത് ഭീതിവിതയക്കുന്നത്. ഇതില്‍ ഒരാന കഴിഞ്ഞദിവസം വനംവകുപ്പ് വാച്ചറെ ആക്രമിച്ചയാനയാണെന്ന് വനംവകുപ്പിന് വ്യക്തമായിട്ടുണ്ട്. അക്രമസ്വഭാവം പ്രകടിപ്പിക്കുന്ന ആനയെ രാത്രി 7 മണിയോടെ കാട്ടിലേക്ക് തുരത്താനുള്ള ശ്രമമാണ് നടക്കുന്നത്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍