സംസ്ഥാനത്ത് അടിസ്ഥാന സൗകര്യ വികസന പ്രവര്ത്തനങ്ങള് അതിവേഗം മുന്നേറുന്നു: മന്ത്രി ഒ.ആര് കേളു
ഒഴക്കോടി: സംസ്ഥാനത്ത് അടിസ്ഥാന സൗകര്യ വികസന പ്രവര്ത്തനങ്ങള് അതിവേഗം പുരോഗമിക്കുകയാണെന്ന് പട്ടികജാതിപട്ടികവര്ഗ്ഗപിന്നാക്കക്ഷേമ വകുപ്പ് മന്ത്രി ഒ. ആര് കേളു. മാനന്തവാടി ഒഴക്കോടി കുളങ്ങര അമ്പലം റോഡ് ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. 20 ലക്ഷം എം. എല്. എ ഫണ്ട് ഉപയോഗിച്ചാണ് റോഡ് നിര്മാണം പൂര്ത്തീകരിച്ചത്.
റോഡുകള്, പാലങ്ങള്, ആശുപത്രികള്, വിദ്യാലയങ്ങള് എന്നിവ ഉള്പ്പെടെ വിവിധ മേഖലകളില് സംസ്ഥാനത്ത് വലിയ മാറ്റങ്ങളാണ് നടക്കുന്നതെന്നും വികസന പ്രവര്ത്തനങ്ങള് നഗരപ്രദേശങ്ങളിലേക്കു മാത്രം പരിമിതപ്പെടാതെ ഉള്മേഖലകളിലും മികച്ച രീതിയില് വ്യാപിക്കുകയാണെന്നും മന്ത്രി പറഞ്ഞു. ചെറുതും വലിയതുമായ ഗ്രാമീണ റോഡുകള് നവീകരിച്ച് ജനങ്ങളുടെ യാത്രാസൗകര്യം മെച്ചപ്പെടുത്താനുള്ള പ്രവര്ത്തനങ്ങള് തുടരുകയാണെന്നും മന്ത്രി വ്യക്തമാക്കി.
മാനന്തവാടി നഗരസഭ ക്ഷേമകാര്യസ്റ്റാന്റിങ് കമ്മിറ്റി ചെയര്പേഴ്സണ് ലേഖ രാജീവന് അധ്യക്ഷയായ പരിപാടിയില്
നഗരസഭ വികസനകാര്യ സ്റ്റാന്റിങ് കമ്മിറ്റി ചെയര്മാന് പി. വി ജോര്ജ്, കൗണ്സിലര് കെ. ടി ബിജു, റോഡ് വികസന സമിതി പ്രസിഡന്റ് ബാലകൃഷ്ണന്, കണ്വീനര് വാസു, മറ്റു ജനപ്രതിനിധികള് ഉദ്യോഗസ്ഥര് പൊതുജനങ്ങള് പങ്കെടുത്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്