വീണ്ടും വന്‍ ലഹരി വേട്ട; കാല്‍ കിലോയിലധികം എം.ഡി.എം.എ യുമായി യുവാവ് പിടിയില്‍
തിരുനെല്ലി: അതിമാരക മയക്കുമരുന്നായ എം.ഡി.എം.എ യുമായി കാസര്‍ഗോഡ് സ്വദേശിയായ യുവാവ് പിടിയില്‍. കാസര്‍ഗോഡ് കാഞ്ഞങ്ങാട്, പുല്ലൂര്‍ പാറപ്പള്ളി വീട്ടില്‍ മുഹമ്മദ് സാബിര്‍ (31) നെയാണ് തിരുനെല്ലി പോലീസ് പിടികൂടിയത്. തോല്‍പ്പെട്ടി പോലീസ് ചെക്ക് പോസ്റ്റില്‍ വാഹന പരിശോധനക്കിടെ ഇയാളില്‍ നിന്നും 265 ഗ്രാം എം.ഡി.എം.എ പിടിച്ചെടുക്കുകയായിരുന്നു. വിപണിയില്‍ എട്ട് ലക്ഷത്തോളം രൂപ വിലമതിക്കുന്നതാണ് ഈ മയക്കുമരുന്ന്. ഇയാള്‍ സഞ്ചരിച്ച കെ.എല്‍ 79 0002 നമ്പര്‍ വാഹനവും പോലീസ് പിടിച്ചെടുത്തു.എസ്.ഐ മിനിമോള്‍ ടി, സീനിയര്‍ സിവില്‍ പോലീസ് ഓഫീസര്‍ മാരായ സുഷാദ്, ജിതിന്‍ എന്നിവരും പോലീസ് സംഘത്തിലുണ്ടായിരുന്നു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍
lNWEUPbiV