അഴിമതിയും സ്വജനപക്ഷപാതവും നടത്താന് ദുരന്തങ്ങള് മറയാക്കരുത്; ഹൈക്കോടതി
അഴിമതിയും സ്വജനപക്ഷപാതവും നടത്താന് ദുരന്തങ്ങള് മറയാക്കരുതെന്ന് ഹൈക്കോടതി. ദുരന്തകാലത്ത് ആര്ക്കും എന്തും ചെയ്യാമെന്ന് കരുതരുതെന്നും ഹൈക്കോടതി വ്യകത്മാക്കി. അഴിമതി ആരോപണങ്ങളും ക്രമക്കേടുകളും ആരോപിച്ചുള്ള പരാതി പരിഗണിക്കാന് ലോകായുക്തക്ക് അധികാരം ഉണ്ടെന്ന് കോടതി വിലയിരുത്തി.
കൊവിഡ് കാലത്ത് പിപിഇ കിറ്റുകളും മെഡിക്കല് ഉപകരണങ്ങളും വാങ്ങിയതില് അഴിമതിയുണ്ടെന്ന പരാതിയില് ലോകായുക്ത ഇടപെടല് ചോദ്യം ചെയ്തുള്ള ഹര്ജിയിലാണ് കോടതി നിരീക്ഷണം നടത്തിയത്. ലോകായുക്ത നടപടി റദ്ദാക്കണമെന്നാവശ്യപ്പെട്ട് ആരോഗ്യവകുപ്പ് മുന് പ്രിന്സിപ്പല് സെക്രട്ടറി രാജന് കോബ്രഗഡെ അടക്കമുള്ളവരാണ് കോടതിയെ സമീപിച്ചത്.
അതേസമയം ഡോക്ടര്മാര് ആക്രമിക്കപ്പെടുന്നതില് 137 കേസുകളാണ് ഈ വര്ഷം രജിസ്റ്റര് ചെയ്തത്. ഇത് ഞെട്ടിക്കുന്നതാണെന്ന് പറഞ്ഞ കോടതി, ഡോക്ടര്മാരുടെ സുരക്ഷയ്ക്കായി എന്ത് നടപടിയാണ് സ്വീകരിക്കുന്നതെന്ന് കോടതി ചോദിച്ചു.
ഡോക്ടര്മാരുടെ സുരക്ഷ സര്ക്കാര് ഉറപ്പാക്കണമെന്ന് കോടതി നിര്ദ്ദേശിച്ചു. മാസത്തില് പത്ത് സംഭവങ്ങളാണ് റിപ്പോര്ട്ട് ചെയ്യുന്നത്. ആക്രമിക്കരുതെന്ന് മാര്ഗ നിര്ദ്ദേശം നല്കിയിട്ട് കാര്യമില്ലെന്ന് പറഞ്ഞ ഹൈക്കോടതി, ഡോക്ടര്മാരോ ജീവനക്കാരോ ആക്രമിക്കപ്പെട്ടാല് ഒരു മണിക്കൂറിനകം എഫ്ഐആര് രജിസ്റ്റര് ചെയ്യാന് സ്റ്റേഷന് ഹൗസ് ഓഫീസര്മാര്ക്ക് നിര്ദേശം നല്കി.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്