റമളാനിനെ വരവേല്ക്കാന് വിശ്വാസികള് തയ്യാറെടുക്കുക: എസ് മുഹമ്മദ് ദാരിമി
കല്പ്പറ്റ: സമാഗതമാവാന് പോകുന്ന പരിശുദ്ധ റമളാനിനെ വരവേല്ക്കാന് മാനസികമായും ശാരീരിക മായും ശുദ്ധീകരണം നടത്തി വിശ്വാസികള് തയ്യാറാകണമെന്ന് സമസ്ത ജില്ലാ ജനറല് സെക്രട്ടറി എസ് മുഹമ്മദ് ദാരിമി അഭിപ്രായപ്പെട്ടു. സമസ്ത വൈത്തിരി താലൂക്ക് കമ്മിറ്റി വൈത്തിരി ടൗണ് മദ്രസയില് സംഘടിപ്പിച്ച റമളാന് മുന്നൊരുക്ക പ്രഭാഷണ പ്രാര്ത്ഥനാ മജ് ലിസ് ഉദ്ഘാടനം ചെയ്ത് സംസാരിക്കുകയായിരുന്നു അദേഹം. റമളാന് പവിത്രമായ മാസമാണെന്നും അതിനെ ആദരിക്കുന്നത് ഇഹപര വിജയം നേടാന് കാരണമാണെന്നും അദ്ധേഹം കൂട്ടിച്ചേര്ത്തു.സംഗമത്തില് താലൂക്ക് പ്രസിഡണ്ട് വി.കെ അബ്ദുറഹ്മാന് ദാരിമി അദ്ധ്യക്ഷനായി ജനറല് സെക്രട്ടറി കെ.വി ജഅഫര് ദാരിമി ഹൈതമി മുഖ്യപ്രഭാഷണം നടത്തി എസ്.എം.എഫ് താലൂക്ക് പ്രസിഡണ്ട് സയ്യിദ് മുജീബ് തങ്ങള് കല്പ്പറ്റ പ്രാര്ത്ഥനക്ക് നേതൃത്വം നല്കി മഹല്ല് ഖത്വീബ് ഉസ്മാന് ഫൈസി മഹല്ല് പ്രസിഡണ്ട് ഖാസിം ഹാജി മൂസ ഹാജി പന്ത്രണ്ടാം പാലം, ബരീര് ,അന്വര് മൗലവി സംബന്ധിച്ചു മഹല്ല് സെക്രട്ടറി അബ്ദുല് ഖാദര് ഹാജി സ്വാഗതവും അശ്റഫ് ഫൈസി കല്പ്പറ്റ നന്ദിയും പറഞ്ഞു
