ലോറി നിയന്ത്രണം വിട്ട് റോഡരികിലേക്ക് ചെരിഞ്ഞു
കാട്ടിക്കുളം: നെല്ല് കയറ്റി പോകുന്ന ലോറി നിയന്ത്രണം വിട്ടു റോഡരികിലെ താഴ്ചയിലേക്ക് ചെരിഞ്ഞു. കാട്ടിക്കുളം-പനവല്ലി റൂട്ടില്‍ ആലത്തൂരില്‍ ഇന്ന് വൈകുന്നേരം ആറ് മണിക്കാണ് സംഭവം.ആലത്തൂരിന്റെ സമീപ പ്രദേശങ്ങളില്‍ നിന്നും കൃഷി വകുപ്പിന്റെ മേല്‍നേട്ടത്തില്‍ നെല്ല് കയറ്റി കാലടിയിലേക്ക് പുറപ്പെട്ടതായിരുന്നു ലോറി.പത്ത് ടണ്‍ നെല്ലായിരുന്നു ലോറിയിലുണ്ടായിരുന്നത്.ആലത്തൂരിനടുത്ത് എത്തിയപ്പോള്‍ ലോറിയുടെ നിയന്ത്രണം നഷ്ടപ്പെടുകയും പുറകോട്ട് പോയി ചെരിയുകയുമായിരുന്നു. അപകടത്തില്‍ ആര്‍ക്കും പരിക്കില്ല.
