കടുവയുടെ ആക്രമണത്തില്‍ യുവാവിന് പരിക്കേറ്റു
വാകേരി:വനത്തിനുള്ളിലെ തോട്ടില്‍ കുളിക്കാന്‍ പോയി വരുന്നതിനിടെ യുവാവിനെ കടുവ ആക്രമിച്ചു. വാകേരി മാരമല കാട്ടുനായ്ക്ക കോളനിയിലെ കൃഷ്ണന്റെ മകന്‍ വിപിന്‍ (21) നെയാണ് കടുവ ആക്രമിച്ചത്. ബന്ധുക്കളോടൊപ്പം കുളി കഴിഞ്ഞ് തിരികെ വരുമ്പോഴാണ് സംഭവമെന്നാണ് വിവരം. കടുവയെ കണ്ട് ഭയന്നോടുന്നതിനിടെ പുറകിലൂടെ വന്ന കടുവ വിപിനെ ആക്രമിച്ചതായാണ് പറയുന്നത്. വിപിന്റെ പുറത്ത് കടുവയുടെ നഖമേറ്റ് മുറിഞ്ഞിട്ടുണ്ട്. തുടര്‍ന്ന് ഇദ്ദേഹത്തെ ബത്തേരി താലൂക്കാശുപത്രിയില്‍ പ്രവേശിപ്പിച്ചു.സമീപത്തെ എസ്‌റ്റേറ്റില്‍ നിന്നുമാണ് കടുവ വന്നതെന്നാണ് സൂചന.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍