ഇന്ത്യന്‍ വനിത ബാസ്‌കറ്റ് ബോള്‍ ക്യാപ്റ്റന്‍ പി.എസ്.ജീന വിവാഹിതയാകുന്നു.
പടിഞ്ഞാറത്തറ:ഇന്ത്യന്‍ വനിത ബാസ്‌കറ്റ് ബോള്‍ ക്യാപ്റ്റന്‍ പി.എസ്. ജീന വിവാഹിതയാകുന്നു. തൃശൂര്‍ ചാലക്കുടി മേലൂര്‍ സ്വദേശി ജാക്‌സനാണ് വരന്‍.ജൂലൈ 11ന് ചാലക്കുടിയിലാണ് വിവാഹം.കഴിഞ്ഞ ദിവസം മാനസമ്മതം കഴിഞ്ഞു.കെ.എസ്.ബി.എം.എന്‍ സിയില്‍ പര്‍ച്ചേസ് എന്‍ജിനീയറാണ് ജാക്‌സണ്‍. പന്തിപ്പൊയില്‍ പാലനില്‍ക്കും കാലായില്‍ സിബി ജോസഫിന്റെയും ലിസിയുടെയും മകളായ ജീന ഒളിമ്പിക്‌സില്‍ യോഗ്യത മത്സരത്തിനുള്ള ഇന്ത്യന്‍ വനിത ബാസ്‌കറ്റ് ബോള്‍ ടീം ക്യാപ്റ്റനാണ്. തിരുവനതപുരത്ത് കെ.എസ്.ഇ.ബി യില്‍ സീനിയര്‍ അസിസ്റ്റന്റാണ്.2018 ജക്കാര്‍ത്ത ഏഷ്യന്‍ ഗെയിമ്‌സിലും ഇന്ത്യന്‍ ടീം ക്യാപ്റ്റനായിരുന്നു ജീന.ഇടവകയായ പടിഞ്ഞാറത്തറ പന്തിപ്പൊയില്‍ അമലോത്ഭവ മാതാ പള്ളിയിലായിരുന്നു കോവിഡ് മാനദണ്ഡങ്ങള്‍ പാലിച്ചായിരുന്നു മനസമ്മത ചടങ്ങ്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍