യുവ പ്രതിഭ, യുവജന ക്ലബ്ബ് പുരസ്‌കാരത്തിന് അപേക്ഷ ക്ഷണിച്ചു
കേരള സംസ്ഥാന യുവജനക്ഷേമബോര്‍ഡ് 2016 ലെ സ്വാമി വിവേകാനന്ദന്‍ യുവ പ്രതിഭാ, യുവജന ക്ലബ്ബ് പുരസ്‌കാരത്തിന് അപേക്ഷ ക്ഷണിച്ചു. യുവ പ്രതിഭാ പുരസ്‌കാരത്തിന് 18 നും 40 നും ഇടയില്‍ പ്രായമുള്ള യുവജനങ്ങള്‍ക്ക് അവാര്‍ഡിന് അപേക്ഷിക്കാം. സാമൂഹ്യ പ്രവര്‍ത്തനം, മാധ്യമ പ്രവര്‍ത്തനം- പ്രിന്റ് മീഡിയ (പുരുഷന്‍, വനിത), മാധ്യമ പ്രവര്‍ത്തനം- ദൃശ്യ മാധ്യമം(പുരുഷന്‍, വനിത), കല, സാഹിത്യം (പുരുഷന്‍, വനിത),ഫൈന്‍ ആര്‍ട്‌സ്, കായികം (പുരുഷന്‍, വനിത), ശാസ്ത്രം (പുരുഷന്‍, വനിത), സംരംഭകത്വം, കൃഷി എന്നീ 15 മേഖലകളിലെ മികച്ച പ്രവര്‍ത്തനം നടത്തിയ വ്യക്തികള്‍ക്കാണ് അവാര്‍ഡ് നല്‍കുന്നത്. അവാര്‍ഡിനായി സ്വയം അപേക്ഷ സമര്‍പ്പിക്കുകയോ, മറ്റൊരു വ്യക്തിയെ നാമ നിര്‍ദ്ദേശം ചെയ്യുകയോ ചെയ്യാവുന്നതാണ്. അവാര്‍ഡിന് അര്‍ഹരാകുന്നവര്‍ക്ക് 50,001 രൂപയും പ്രശസ്തി പത്രവും പുരസ്‌കാരവും നല്‍കും.കേരള സംസ്ഥാന യുവജനക്ഷേമബോര്‍ഡില്‍ അഫിലിയേറ്റ് ചെയ്തിട്ടുള്ള യൂത്ത് ക്ലബ്ബുകളില്‍ മികച്ച യൂത്ത് ക്ലബ്ബിന് ജില്ലാതലത്തില്‍ 30,001- രൂപയും പ്രശസ്തി പത്രവും നല്‍കും. സംസ്ഥാന തലത്തില്‍ 50,001 രൂപയും പ്രശസ്തി പത്രവും നല്‍കും. അപേക്ഷകള്‍ ഒക്‌ടോബര്‍ 30 നകം ജില്ലായുവജനകേന്ദ്രത്തില്‍ ലഭിക്കണം. അപേക്ഷാഫോറം അതാത് ജില്ലാ യുവജനകേന്ദ്രങ്ങളിലും കേരള സംസ്ഥാന യുവജന ക്ഷേമ ബോര്‍ഡിന്റെ് വെബ്‌സൈറ്റിലും (www.ksywb.kerala.gov.in)
ലഭിക്കും. ഫോണ്‍. 0471-2733139, 2733602, 2733777.
ലഭിക്കും. ഫോണ്‍. 0471-2733139, 2733602, 2733777.
