കാട്ടിക്കുളം വയല്ക്കരയില് വാഹനാപകടത്തില് ഒരാള്ക്ക് ഗുരുതര പരിക്ക്
കാട്ടിക്കുളം: മാനന്തവാടി കാട്ടിക്കുളം റൂട്ടില് വയല്ക്കരയില് കര്ണാടക ആര് ടി സി ബസ്സും കാറും കൂട്ടിയിടിച്ച് കാര് യാത്രികര്ക്ക് പരിക്ക്. വയല്ക്കര സ്വദേശി പഴുകുന്നേല് ജാന്സി (58), ഭര്ത്താവ് ജോസഫ് (മാമച്ചന് 62) എന്നിവര്ക്കാണ് പരിക്കേറ്റത്. ഇരുവരേയും മാനന്തവാടി മെഡിക്കല് കോളേജ് ആശുപത്രിയില് പ്രവേശിപ്പിച്ചു. ജാന്സിയുടെ പരിക്ക് സാരമുള്ളതാണ്. ഇവരെ വിദഗ്ധ പരിശോധനകള്ക്ക് വിധേയമാക്കി വരികയാണ്. മാനന്തവാടി ഭാഗത്തേക്ക് വരികയായിരുന്ന ബസ്സാണ് കാറിലിടിച്ചത്. അപകടത്തില് സമീപത്തെ വൈദ്യുതി പോസ്റ്റടക്കം തകര്ത്ത ശേഷം കാര് റോഡരികിലേക്ക് ഇടിച്ചിറങ്ങുകയായിരുന്നു.ഏകദേശം പൂര്ണ്ണമായി തകര്ന്ന കാറിനുള്ളില് കുടുങ്ങിയ ജാന്സിയെ ഏറെ പ്രയത്നിച്ചാണ് പുറത്തെടുത്തത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്