ശിശുമല കുരിശ് മലക്കയറ്റത്തിന് വന് ഭക്തജന പ്രവാഹം
പുല്പ്പള്ളി: വയനാടിന്റെ മലയാറ്റൂര് എന്നറിയപ്പെടുന്ന ശിശുമല കുരിശുമലയില് മൂന്ന് ദിവസം നീണ്ടുനില്ക്കുന്ന പുതുഞായര് ആഘോഷത്തിനും വിശുദ്ധ തോമാശ്ലീഹായുടെ തിരുനാളിനും ഭക്തി സാന്ദ്രമായി കൊടിയിറങ്ങി. ജില്ലയുടെ നാനാഭാഗങ്ങളില് നിന്നായി ഭക്തജനപ്രവാഹമായിരുന്നു. തിരുനാളിന് .ശനിയാഴ്ച വൈകുന്നേരം 4.15ന് മലയടിവാരത്തുനിന്നും കുരിശിന്റെ വഴി, ആഘോഷമായ തിരുനാള് കുര്ബാന, സന്ദേശം എന്നിവയക്ക് ഫാ. സജി ഇളയിടത്ത് കാര്മ്മികത്വം വഹിച്ചു , തുടര്ന്ന് രാത്രി എട്ടിന് നടന്ന വിശുദ്ധ കുര്ബാനയ്ക്ക് ഫാ.സണ്ണി തോട്ടപ്പള്ളി നേതൃത്വം നല്കി. തിരുനാളിന്റെ പ്രധാന ദിനമായ ഇന്ന് രാവിലെ ഏഴിന് ആഘോഷമായ കുര്ബാന, മലങ്കര റീത്ത് എന്നിവയ്ക്ക് ഫാ. ജെയിംസ് മലയപ്പറമ്പില് കാര്മ്മികത്വം വഹിച്ചു. രാവിലെ, ഒന്പതിന് മലയടിവാരത്തുനിന്നും സ്ലീവാപാത, തുടര്ന്ന് നടന്ന ആഘോഷമായ തിരുനാള് കുര്ബാന, സന്ദേശം എന്നിവയ്ക്ക് ഫാ. അബ്രഹാം നാടികുന്നേല് നേതൃത്വം നല്കി. തുടര്ന്ന് നേര്ച്ച ഭക്ഷണം. ജില്ലയുടെ നാനാഭാഗങ്ങളില് നിന്നായി ആയിരകണക്കിന് വിശ്വാസികളാണ് മല കയറാന് എത്തിയത്.ശിശുമലയിലേക്ക് പ്രത്യേക വാഹന സൗകര്യവുമൊരുക്കിയിരുന്നു
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്