പാക്കം ചേകാടി മേഖലകളില് കാട്ടാന ശല്യം രൂക്ഷം
പുല്പ്പള്ളി: പാക്കം, ചേകാടി മേഖലയിലെ വനാതിര്ത്തി പ്രദേശങ്ങളില് കാട്ടാന ശല്യം രൂക്ഷമായതോടെ കര്ഷകര് പ്രതിസന്ധിയില്. കര്ണാടകയിലെ ബന്ദിപ്പുര് നാഗര്ഹോള വനമേഖലയില് നിന്നും കബനി നദി കടന്നെത്തുന്ന കാട്ടാനകള്ക്ക് പുറമെ വയനാട് വന്യജീവി സങ്കേതത്തിലെ ചെതലയം കുറിച്ചാട് റെയ്ഞ്ചിലെ വനമേഖലയില് നിന്ന് ട്രഞ്ചും ഫെന്സിംഗും തകര്ത്താണ് സന്ധ്യമയങ്ങുന്നതോടെ കാട്ടാനകള് കൃഷിയിടങ്ങളിലിറങ്ങി വ്യാപകമായി കൃഷികള് നശിപ്പിക്കുന്നത്. കുറിച്ചിപ്പറ്റ, പാക്കം ദാസനക്കര, ചേകാടി, തുടങ്ങിയ പ്രദേശങ്ങളിലാണ് കാട്ടാന ശല്യം ഏറെയും. പകല് സമയങ്ങളില് പോലും കൃഷിയിടങ്ങളില് കാട്ടാന ശല്യം രൂക്ഷമാണ്. ഫോറസ്റ്റിന്റെ അതിര്ത്തി തിരിക്കുന്ന ഭാഗത്ത് പാളകൊല്ലിയില് സ്ഥാപിച്ചിരുന്ന ഗേയ്റ്റ് തകര്ന്നിട്ട് വര്ഷങ്ങളായി അത് റിപ്പയര് ചെയ്ത് ആന ഇറങ്ങുന്നതില് നിന്ന് സംരക്ഷണം നല്കാന് വനം വകുപ്പ് തയ്യാറാകുന്നില്ലന്നാണ് കര്ഷകര് പറയുന്നത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്