നെയ്ക്കുപ്പ ഫെന്സിംഗ് നിര്മ്മാണത്തിലെ അനിശ്ചിതാവസ്ഥ മാറ്റണം: സ്വതന്ത്ര കര്ഷക സംഘം
![നെയ്ക്കുപ്പ ഫെന്സിംഗ് നിര്മ്മാണത്തിലെ അനിശ്ചിതാവസ്ഥ മാറ്റണം: സ്വതന്ത്ര കര്ഷക സംഘം](http://opennewser.com/uploads/news/sawatahakkarasahanaiaeamma.jpg)
മാനന്തവാടി: കാടും നാടും വേര്തിരിക്കുന്നതിന് കൂടല് കടവു മുതല് നെയ്ക്കുപ്പ വരെയുള്ള ഫെന്സിംഗ് നിര്മ്മാണത്തിലെ അനിശ്ചിതാവസ്ഥ പരിഹരിക്കണമെന്ന് സ്വതന്ത്ര കര്ഷകസംഘം മാനന്തവാടി നിയോജക മണ്ഡലം കമ്മിറ്റി ആവശ്യപ്പെട്ടു. നിര്മ്മാണ പ്രവര്ത്തികള് പ്രാരംഭഘട്ടത്തിലെ സ്തംഭിച്ചിരിക്കയാണിവിടെ. വനം വകുപ്പിന്റെയും കരാറുകാരുടെയും അനാസ്ഥയാണിതിന് കാരണം. മനുഷ്യ - വന്യമൃഗ സംഘര്ഷം തടയുന്നതിനുള്ള പദ്ധതികള് കാര്യക്ഷമമായി നടപ്പാക്കാതിനാല് വന്യ മൃഗങ്ങള് ജനവാസ കേന്ദ്രങ്ങളില് സൈ്വര വിഹാരം നടത്താന് കാരണമാകുന്നുവെന്നും വന്യമൃഗങ്ങള് നാട്ടിലിറങ്ങുന്നത് തടയുന്ന കാര്യത്തില് സര്ക്കാരും വനം വകുപ്പു പരാജയപ്പെട്ടതായി നിയമസഭയില് വെച്ച സി.എ.ജി റിപ്പോര്ട്ടില് പോലും കുറ്റപ്പെടുത്തിയിരിക്കുകയാണെന്നും യോഗം ചൂണ്ടിക്കാട്ടി. പ്രസിഡന്റ് മായന് മുതിര അധ്യക്ഷത വഹിച്ച യോഗം ജില്ലാ ജനറല് സെക്രട്ടറി പി.കെ.അബ്ദുല് അസീസ് ഉദ്ഘാടനം ചെയ്തു.
പേമാരിയില് മാനന്തവാടി നിയോജക മണ്ഡലത്തില് എട്ടുകോടിയിലേറെ കൃഷിനാശമുണ്ടായതായാണ് കൃഷി വകുപ്പിന്റെ പ്രാഥമിക കണക്ക്. എല്ലാ കര്ഷകര്ക്കും നഷ്ടപരിഹാരം കാലതാമസം കൂടാതെ വിതരണം ചെയ്യണമെന്നും അല്ലെങ്കില് പ്രത്യക്ഷ സമര പരിപാടികള്ക്ക് നേരിടേണ്ടി വരുമെന്നും, യോഗം മുന്നറിയിപ്പ് നല്കി. സുലൈമാന് ഹാജി മുരിക്കഞ്ചേരി, ഉസ്മാന് പുഴക്കല്, മായന് വളപ്പന്, കബീര് മാനന്തവാടി, പോക്കര് വി കോറോം, ഇബ്രാഹിം ഹാജി അത്തിലന്, അഷ്ക്കര് ബാവലി പ്രസംഗിച്ചു. സെക്രട്ടറി സലിം കേളോത്ത് സ്വാഗതവും ട്രഷറര് കെ.കുഞ്ഞമ്മദ് നന്ദിയും പറഞ്ഞു.
![advt_31.jpg](http://opennewser.com//uploads/advt/SAPACVACENT3.jpg)
![SAPACVACENT4.jpg](http://opennewser.com//uploads/advt/SAPACVACENT4.jpg)
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്