പ്രതിഷേധവും പ്രതിരോധവും തീര്ത്ത് ബത്തേരിയില് യു.ഡി.എഫിന്റെ ഉജ്ജ്വല പ്രക്ഷോഭറാലി.
ബത്തേരി: ജനങ്ങളുടെ ജീവിക്കാനുള്ള അവകാശത്തിന് മേലുണ്ടാവുന്ന ഇടപെടലുകളില് പ്രതിഷേധവും പ്രതിരോധവും തീര്ത്ത് ബത്തേരിയില് യു.ഡി.എഫിന്റെ ഉജ്ജ്വല പ്രക്ഷോഭറാലി. രാഹുല്ഗാന്ധി എം.പി നേതൃത്വം നല്കിയ റാലിയിലെ ആയിരങ്ങള് പങ്കാളികളായി. സംരക്ഷിത വനാതിര്ത്തിയില് നിന്നു കുറഞ്ഞതു ഒരു കിലോമീറ്റര് പരിധിയില് പരിസ്ഥിതിലോല മേഖല വേണമെന്ന സുപ്രീം കോടതി ഉത്തരവുമായി ബന്ധപ്പെട്ട് ഇടതുസര്ക്കാരിന്റെ നിലപാട് കാപട്യമെന്ന് തെളിഞ്ഞുകഴിഞ്ഞതായി നേതൃത്വം പറഞ്ഞു. സംസ്ഥാനത്തെ ഒരുലക്ഷത്തിലധികം കുടുംബങ്ങളെയും, രണ്ടര ലക്ഷം ഏക്കര് കൃഷിയിടങ്ങളെയും കുടിയിറക്കുന്ന ബഫര്സോണ് വിഷയത്തില് സംസ്ഥാന സര്ക്കാര് പുലര്ത്തുന്ന അനാസ്ഥക്കെതിരെ വയനാടന് ജനതയുടെ ശക്തമായ താക്കീതു കൂടിയായി യു.ഡി.എഫ് പ്രക്ഷോഭറാലിയെന്നും യൂഡിഎഫ് നേതൃത്വം പറഞ്ഞു. ജില്ലയുടെ വിവിധ ഭാഗങ്ങളില് നിന്നും ആയിരണകണക്കിന് പ്രവര്ത്തകരാണ് റാലിയില് കണ്ണികളായത്.
സുല്ത്താന് ബത്തേരി ചുങ്കത്ത് നിന്നും ആരംഭിച്ച റാലി ചുള്ളിയോട് റോഡിലെ ഗാന്ധിസ്ക്വയറിന് സമീപം മഹാസംഗമത്തോടെ സമാപിച്ചു. സമ്മേളനം രാഹുല്ഗാന്ധി എം.പി ഉദ്ഘാടനം ചെയ്തു. യു.ഡി.എഫ് വയനാട് ജില്ലാ ചെയര്മാന് പി.പി.എ കരീം അദ്ധ്യക്ഷത വഹിച്ചു. കണ്വീനര് എന്.ഡി അപ്പച്ചന് സ്വാഗതം പറഞ്ഞു. മുസ്ലിംലീഗ് നേതാവ് ഡോ.എം.കെ മുനീര് എം.എല്.എ മുഖ്യപ്രഭാഷണം നടത്തി. എ.ഐ.സി.സി വര്ക്കിംഗ് സെക്രട്ടറി കെ.സി വേണുഗോപാല്, കെ.പി.സി.സി പ്രസിഡന്റ് കെ. സുധാകരന്, പ്രതിപക്ഷ നേതാവ് വി.ഡി സതീശന്, മുന്മുഖ്യമന്ത്രി ഉമ്മന്ചാണ്ടി തുടങ്ങിയവര് സംസാരിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്