മുത്തങ്ങ എക്‌സൈസ് ചെക്‌പോസ്റ്റില്‍ വെച്ച് കുഴല്‍പ്പണം പിടികൂടി
മുത്തങ്ങ: മുത്തങ്ങ എക്‌സൈസ് ചെക്ക് പോസ്റ്റില്‍ വെച്ച് മതിയായ രേഖകളില്ലാതെ കടത്താന്‍ ശ്രമിച്ച 1063200 (പത്ത്‌ലക്ഷത്തി അറുപത്തിമൂവായിരിത്തി ഇരുന്നൂറ് ) രൂപയുമായി രണ്ട് പേര് പിടിയില്‍. തിരൂരങ്ങാടി സ്വദേശികളായ നിസാര്‍ (36), അബ്ദുള്‍ നാസര്‍ (36) എന്നിവരാണ് വാഹന പരിശോധനക്കിടെ എക്‌സൈസിന്റെ പിടിയിലായത്. ബംഗളൂരുവില്‍ നിന്നും വരുകയായിരുന്ന ഇവര്‍ സഞ്ചരിച്ചിരുന്ന കെ.എ 01 എ.ജി 7632 അശോക് ലൈലന്‍ഡ് ലോറിയില്‍ നിന്നുമാണ് ഇന്ന് രാവിലെ പണം പിടികൂടിയത്. പണവും, പിടികൂടിയവരെയും പോലീസിന് കൈമാറുമെന്ന് എക്ൈസസ് അധികൃതര്‍ പറഞ്ഞു. മുത്തങ്ങ എക്‌സൈസ് ഇന്‍സ്‌പെക്ടര്‍ പി ബാബുരാജ്, പ്രിവന്റീവ് ഓഫീസര്‍മാരായ പി.പി ശിവന്‍, റ്റി.ബി അജീഷ്, സി.ഇ.ഒ മാരായ എ.എം ബിനുമോന്‍, അഭിലാഷ് ഗോപി എന്നിവര്‍ ചേര്‍ന്നാണ് പണം പിടികൂടിയത്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍