48 ലക്ഷം രൂപയുടെ കുഴല്പ്പണം പിടികൂടി;താമരശേരി സ്വദേശികള് അറസ്റ്റില്
മുത്തങ്ങ:മതിയായ രേഖകളില്ലാതെ സംസ്ഥാനത്തേക്ക് കടത്താന് ശ്രമിച്ച 48 ലക്ഷം രൂപയുമായി രണ്ട് പേരെ മുത്തങ്ങ എക്സൈസ് ചെക്ക് പോസ്റ്റ് അധികൃതര് പിടികൂടി. താമരശ്ശേരി സ്വദേശികളായ അബ്ദുള് മജീദ് (42), നൗഷാദ് (44) എന്നിവരാണ് വാഹന പരിശോധനക്കിടെ എക്സൈസിന്റെ പിടിയിലായത്. ഗുണ്ടല്പേട്ടയില് നിന്നും വരുകയായിരുന്ന ഇവര് സഞ്ചരിച്ചിരുന്ന ദോസ്ത് വാഹനത്തില് നിന്നുമാണ് ഇന്ന് 12 മണിയോടെ പണം പിടികൂടിയത്. കോടഞ്ചേരിയില് നിന്നും പൈനാപ്പിള് കയറ്റി ഗുണ്ടല്പേട്ടയില് ഇറക്കി തിരികെ വരുകയാണന്നാണ് ചോദ്യം ചെയ്യലില് പിടിയിലായവര് പറഞ്ഞതെന്ന് എക്സൈസ് അധികൃതര് വ്യക്തമാക്കി. പണവും പിടികൂടിയവരെയും പൊലിസിന് കൈമാറും. മുത്തങ്ങ എക്സൈസ് സര്ക്കിള് ഇന്സ്പെക്ടര് പി ജുനൈദിന്റെ നേതൃത്വത്തില് ഇന്സ്പെക്ടര് പി ബാബുരാജ്, പ്രിവന്റീവ് ഓഫിസര്മാരായ പി പി ശിവന്, റ്റി ബി അജീഷ് സി ഇ ഒ മാരായ എ എം ബിനുമോന്, അഭിലാഷ് ഗോപി എന്നിവര് ചേര്ന്നാണ് പണം പിടികൂടിയത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്