വീട്ടിലതിക്രമിച്ച് കയറി ദമ്പതികളെ ആക്രമിച്ച കേസ് ;പ്രതിക്ക് തടവും പിഴയും ശിക്ഷ
മാനന്തവാടി:പൊഴുതന പാറക്കുന്ന് എസ്റ്റേറ്റ് പാടിയില് അതിക്രമിച്ച് കയറി ദമ്പതികളെ ആക്രമിച്ച കേസിലെ പ്രതിയായ പൊഴുതന കലാനിവാസില് സിആര് ഹരിപ്രസാദ് (34) ന് തടവ് ശിക്ഷയും പിഴയും വിധിച്ചു. വിവിധ വകുപ്പുകള് പ്രകാരം രണ്ട് വര്ഷം വെറും തടവ് 1000 രൂപ പിഴ, 1 വര്ഷം വെറും തടവ്, ആറ് മാസം വെറും തടവ്, 15 ദിവസം വെറും തടവ് എന്നിങ്ങനെയാണ് ശിക്ഷ വിധിച്ചത്. ശിക്ഷ ഒരുമിച്ചനുഭവിച്ചാല് മതിയാകും. മാനന്തവാടി എസ്.സി എസ്.ടി സ്പെഷല് കോടതി ജഡ്ജ് പി സെയ്തലവിയാണ് ശിക്ഷ വിധിച്ചത്. കഴിഞ്ഞ വര്ഷം ജനുവരിയില് രജിസ്റ്റര് ചെയ്ത കേസ് എസ്എംഎസ് ഡിവൈഎസ്പി കെപി കുബേരനാണ് അന്വേഷണം നടത്തി കുറ്റപത്രം സമര്പ്പിച്ചത് വീട്ടിലാക്രമിച്ച് കയറിയ ഹരിപ്രസാദ് തന്റെ ഭര്ത്താവിനെ ഇരുമ്പ് വടി കൊണ്ട് അടിച്ച് മുറിവേല്പ്പിച്ചെന്നും, തടയാന് ശ്രമിച്ചതന്നെ വീട്ടുമുറ്റത്തേക്ക് വലിച്ചിട്ട് വസ്ത്രം വലിച്ചുകീറി മാനഹാനി വരുത്തിയെന്നുമാണ് വീട്ടമ്മയുടെ പരാതി. പരാതി പ്രകാരം ഇന്ത്യന് ശിക്ഷാ നിയമത്തിലെ വിവിധ വകുപ്പുകള് പ്രകാരവും എസ് സി എസ് ടി നിയമപ്രകാരവും പോലീസ് കേസെടുക്കുകയായിരുന്നു. കഴിഞ്ഞ വര്ഷം ഫെബ്രുവരിയിലാണ് പ്രതിക്കെതിരെ കുറ്റപത്രം സമര്പ്പിച്ചത്. തുടര്ന്ന് ഇന്ന് ജഡ്ജി ശിക്ഷ വിധിക്കുകയായിരുന്നു. പ്രോസിക്യൂഷന് വേണ്ടി സ്പെഷല് പ്രോസിക്യൂട്ടര് ജോഷി മുണ്ടക്കല് ഹാജരായി.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്