കല്പ്പറ്റ ആര്.ടി ഓഫീസില് ഗതാഗതകമ്മീഷണര് മിന്നല് പരിശോധന നടത്തി
കല്പ്പറ്റ:ഗതാഗത കമ്മീഷണര് കെ.പത്മകുമാര് ജില്ലാ ആര്.ടി. ഓഫീസില് മിന്നല് പരിശോധന നടത്തി.ഇന്ന് ഉച്ചതിരിഞ്ഞ് മൂന്നോടെയാണ് ഗതാഗതകമ്മീഷര് പരിശോധനയ്ക്കായി എത്തിയത്. ആര്.ടി ഓഫീസില് സ്ഥലപരിമിതി ശ്രദ്ധയില്പ്പെട്ട കമ്മീഷണര് ഉടന് സൗകര്യം വിപുലപ്പെടുത്താന് ബന്ധപ്പെട്ടവര്ക്ക് നിര്ദ്ദേശം നല്കി. ഓഫീസിലെത്തുന്ന പൊതുജനങ്ങള്ക്ക് മികച്ച സേവനം നല്കാന് ഉദ്യോഗസ്ഥര് ശ്രമിക്കണമെന്ന് പത്മകുമാര് പറഞ്ഞു. ഓഫീസ് നവീകരണത്തിനായി പ്രൊപ്പോസല് നല്കിയതായി ആര്.ടി.ഒ വി.സജിത്ത് കമ്മീഷണറെ അറിയിച്ചു.പ്രൊപ്പോസല് വേഗത്തില് അംഗീകരിക്കാന് വേണ്ട നടപടികള് സ്വീകരിക്കുമെന്ന് ഗതാഗതകമ്മീഷണര് ഉറപ്പു നല്കി. അനധികൃതമായി ജില്ലയില് ഓടുന്ന അന്യസംസ്ഥാന രജിസ്ട്രേഷനുള്ള വാഹനങ്ങള് പിടിച്ചെടുക്കാന് കമ്മീഷണര് ആര്.ടി.ഒ യ്ക്ക് കര്ശന നിര്ദ്ദേശം നല്കി. ഓഫീസ് സംബന്ധിച്ച് ജീവനക്കാരില് നിന്നും വിവരങ്ങള് തിരക്കിയശേഷമാണ് കെ.പത്മകുമാര് മടങ്ങിയത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്