എ.ആര് ഷാജിക്ക് യാത്രയയപ്പ് നല്കി.
ബത്തേരി:സംസ്ഥാന പിന്നോക്ക വിഭാഗ വികസന കോര്പ്പറേഷന് (കെ.എസ്.ബി.സി.ഡി.സി) വയനാട് ജില്ല മേധാവി എ.ആര് ഷാജിക്ക് സുല്ത്താന് ബത്തേരി ദിശയുടെ നേതൃത്വത്തില് യാത്രയയപ്പ് നല്കി.ഡോ.മുഹമ്മദ് റാസി ഉപഹാരം നല്കി.ചടങ്ങില് പ്രസിഡന്റ് ഇബ്രാഹിം കെ അധ്യക്ഷത വഹിച്ചു.സെക്രട്ടറി സി.കെ ജാഫര്,ഡോ.ബാവ കെ.പാലുകുന്ന്,എം.പി സാജിദ്,അബൂതാഹിര് തുടങ്ങിയവര് സംസാരിച്ചു.വയനാട് ജില്ലയിലെ പിന്നോക്ക വിഭാഗ ജനങ്ങള്ക്ക് തുല്യതയില്ലാത്ത സേവനമാണ് എ ആര് ഷാജി നല്കിയത്. പിന്നോക്ക വികസന വിഭാഗ കോര്പ്പറേഷന് പദ്ധതികളെക്കുറിച്ച് ജനങ്ങളെ ബോധവല്ക്കരിക്കുകയും, നിരവധി ആളുകള്ക്ക് ഉപജീവനം കണ്ടെത്തുന്നതിനായി സ്വയം തൊഴിലുകളും, മറ്റ് സംരംഭങ്ങളും തുടങ്ങുന്നതിനുള്ള മാര്ഗനിര്ദ്ദേശങ്ങള് നല്കുകയും, അതിനുവേണ്ടി നിരന്തരം പ്രവര്ത്തിക്കുകയും ഫലപ്രാപ്തിയില് എത്തിക്കുകയും ചെയ്ത വ്യക്തിയാണ് അദ്ദേഹം. കോഴിക്കോട് എന്ഐടി സംരംഭകത്വ പരിശീലന ക്ലാസ്സ് വയനാട് ജില്ലയിലെ ആളുകള്ക്ക് പ്രയോജനകരമാകുന്ന രീതിയില് സുല്ത്താന്ബത്തേരി ദിശയില് നടത്തിയത് അദ്ദേഹത്തിന്റെ ഇടപെടലുകള് കൊണ്ടായിരുന്നു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്