മാനന്തവാടി

 തോണിച്ചാല്‍ സെന്റ് സെബാസ്റ്റ്യന്‍സ് ദേവാലയത്തില്‍ മോഷണം; ഇലക്ട്രിക്കല്‍ വയറുകളും ഉപകരണങ്ങളും കവര്‍ന്നു

 തോണിച്ചാല്‍ സെന്റ് സെബാസ്റ്റ്യന്‍സ് ദേവാലയത്തില്‍ മോഷണം; ഇലക്ട്രിക്കല്‍ വയറുകളും ഉപകരണങ്ങളും കവര്‍ന്നു

മാനന്തവാടി: തോണിച്ചാല്‍ സെന്റ് സെബാസ്റ്റ്യന്‍സ് ദേവാലയത്തിന്റെ പുതുതായി നിര്‍മ്മിച്ചുകൊണ്ടിരിക്കുന്ന പള്ളിയില്‍ മോഷണം. നവംബര്‍ 17 ചൊവ്വാഴ്ച രാത്രി പത്തുമണിക്കും നവംബര്‍ 18 ബുധനാഴ്ച പുലര്‍ച്ചെ ആറുമണിക്കും ഇടയിലാണ് മോഷണം നടന്നതെന്നാണ് കരുതുന്നത്. പുതിയതായി സ്ഥാപിക്കാനായി സൂക്ഷിച്ചിരുന്ന വലിയ അളവിലുള്ള ഇലക്ട്രിക്കല്‍ വയറുകളും തൊഴിലാളികളുടെ ചില ഉപകരണങ്ങളുടെ ഭാഗങ്ങളുമാണ് മോഷണം പോയത്. ആര്‍.ആര്‍ കേബിള്‍സ് എന്ന പേരിലുള്ള വയറുകളാണ് നഷ്ടപ്പെട്ടത്. വിവിധ കഷണങ്ങളായി പൈപ്പിനുള്ളില്‍ക്കൂടി കടത്തിയിരുന്ന വയറുകള്‍ വലിച്ചെടുത്ത നിലയിലാണ് മോഷ്ടാക്കള്‍ കൊണ്ടുപോയത്. തൊഴിലാളികളുടെ ടൂളുകളില്‍നിന്ന് മുറിച്ചെടുത്ത പഴയ വയറുകളും നഷ്ടപ്പെട്ടിട്ടുണ്ട്. സംഭവത്തില്‍ മാനന്തവാടി പോലീസ് അന്വേഷണം ആരംഭിച്ചു. മോഷണം പോയ വയറുകള്‍ ആരെങ്കിലും സംശയാസ്പദമായ സാഹചര്യത്തില്‍ വില്‍ക്കുന്നതായോ കൈവശം വെച്ച് കൊണ്ടുപോകുന്നതായോ ശ്രദ്ധയില്‍പ്പെട്ടാല്‍ മാനന്തവാടി പോലീസ് സ്‌റ്റേഷനിലോ താഴെ പറയുന്ന നമ്പറുകളിലോ വിവരം അറിയിക്കണമെന്ന് ദേവാലയ അധികൃതര്‍ അഭ്യര്‍ത്ഥിച്ചു.

ബന്ധപ്പെടേണ്ട നമ്പറുകള്‍:

 മാനന്തവാടി പോലീസ് സ്‌റ്റേഷന്‍: 04935 242032
 പോലീസ്: 9497980816
 ഫാ. ബിജോ, സെന്റ് സെബാസ്റ്റ്യന്‍സ് ചര്‍ച്ച്, തോണിച്ചാല്‍: 9447264935

middle_ad

അഭിപ്രായങ്ങൾ (Comments)

കമന്റ് ബോക്സിൽ വരുന്ന അഭിപ്രായങ്ങൾ ഓപ്പൺന്യൂസറിന്റെതല്ല. മാന്യമായ ഭാഷയിൽ വിയോജിക്കാനും തെറ്റുകൾ ചൂണ്ടിക്കാട്ടാനും അനുവദിക്കുമ്പോഴും മനഃപൂർവ്വം അധിക്ഷേപിക്കാൻ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മുന്നറിയിപ്പില്ലാതെ നീക്കം ചെയ്യുന്നതാണ് - എഡിറ്റർ