മാനന്തവാടി: തിരുവനന്തപുരം സി.ഇ.ടി ഫിലിം സൊസൈറ്റി സംഘടിപ്പിച്ച 'രംഗം ഷോര്ട്ട് ഫിലിം ഫെസ്റ്റ് 2026'ല് മാനന്തവാടി സ്വദേശി അനന്തു രമേഷ് സംവിധാനം ചെയ്ത 'ഹാജര്' എന്ന ഹ്രസ്വചിത്രത്തിന് സ്പെഷ്യല് ജൂറി പുരസ്കാരം ലഭിച്ചു. വയനാട്ടിലെ കാട്ടുനായ്ക്ക വിഭാഗത്തില് നിന്നുള്ള അമല് എന്ന കുട്ടിയുടെ കഥയാണ് ചിത്രം പറയുന്നത്. സ്കൂളിലെ മറ്റു കുട്ടികളില് നിന്നുമുള്ള ഒറ്റപ്പെടലുകള് കാരണം സ്വന്തം സ്വത്വവും സംസ്കാരവും അടിച്ചമര്ത്തപ്പെട്ട്, പതിയെ സ്വന്തം ലോകത്തേക്ക് ഒതുങ്ങിപ്പോകുന്ന ഒരു വിദ്യാര്ത്ഥിയുടെ ജീവിതമാണ് ഇതില് വരച്ചുകാട്ടുന്നത്. പ്രശസ്ത എഡിറ്റര് നിതിന് ബെയ്ദ് (മസാന്, ഗള്ളി ബോയ്), സംവിധായകരായ ജിയോ ബേബി (ദി ഗ്രേറ്റ് ഇന്ത്യന് കിച്ചണ്), അരുണ് അനിരുദ്ധന് (മിന്നല് മുരളി) എന്നിവരടങ്ങിയ ജൂറിയാണ് ജേതാവിനെ തിരഞ്ഞെടുത്തത്. തിരുവനന്തപുരത്ത് നടന്ന ചടങ്ങില് വെച്ച് സംവിധായകന് അനന്തു രമേഷ് പുരസ്കാരം ഏറ്റുവാങ്ങി.
'രംഗം ഷോര്ട്ട് ഫിലിം ഫെസ്റ്റ് 2026'ല് മാനന്തവാടി സ്വദേശിയുടെ 'ഹാജര്' ഹ്രസ്വചിത്രത്തിന് സ്പെഷ്യല് ജൂറി പുരസ്കാരം
അഭിപ്രായങ്ങൾ (Comments)