തരുവണ: കേരളോത്സവത്തിന്റെ ഭാഗമായി വെള്ളമുണ്ട ഗ്രാമപഞ്ചായത്ത് സംഘടിപ്പിച്ച ഫുട്‌ബോള്‍ മത്സരത്തില്‍ ടൗണ്‍ ടീം എഫ്.സി തരുവണ ജേതാക്കളായി. ഫൈനല്‍ മത്സരത്തില്‍ കഴിഞ്ഞ വര്‍ഷത്തെ ജില്ലാ ജേതാക്കളായ ചാന്‍സിലേഴ്‌സ് എഫ്.സി വെള്ളമുണ്ടയെ ഒന്നിനെതിരെ രണ്ട് ഗോളുകള്‍ക്ക് പരാജയപ്പെടുത്തിയാണ് ടൗണ്‍ ടീം കിരീടം സ്വന്തമാക്കിയത്.
ക്യാപ്റ്റന്‍ മുബഷിറിന്റെ നേതൃത്വത്തില്‍ മികച്ച പ്രകടനം കാഴ്ചവെച്ച ടീം ടൂര്‍ണമെന്റിലുടനീളം മികവ് പുലര്‍ത്തി. മുഹമ്മദ് റാഫിയാണ് വൈസ് ക്യാപ്റ്റന്‍. ശ്രീജേഷ് ടീം മാനേജരായി പ്രവര്‍ത്തിച്ചു.
കഴിഞ്ഞ വര്‍ഷത്തെ ജില്ലാ ജേതാക്കളെ പരാജയപ്പെടുത്തി കിരീടം നേടിയതോടെ ടൗണ്‍ ടീം എഫ്.സി തരുവണയുടെ വിജയം ശ്രദ്ധേയമായി.
അഭിപ്രായങ്ങൾ (Comments)