മാനന്തവാടി: വയോജനങ്ങളുടെ കൂട്ടായ്മയായ 'അന്തിവെളിച്ചം' വാട്‌സ്ആപ്പ് കൂട്ടായ്മയുടെ സംഗമം നവംബര്‍ 15 ഞായറാഴ്ച നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചുമാനന്തവാടി വയനാട് സ്‌ക്വയറില്‍ രാവിലെ 10 മണിക്ക് ആരംഭിക്കുന്ന സംഗമത്തില്‍ വയോജനങ്ങള്‍ വിവിധ കലാപരിപാടികള്‍ അവതരിപ്പിക്കും. ഒറ്റപ്പെട്ട് കഴിയുന്ന 60 വയസ്സ് കഴിഞ്ഞവരെ കൂട്ടായ്മയുടെ ഭാഗമാക്കി അവരുടെ കഴിവുകള്‍ പ്രകടിപ്പിക്കാനും സ്‌നേഹത്തോടെ ഒത്തുചേര്‍ന്ന് അനുഭവങ്ങളും സന്ദേശങ്ങളും പങ്കുവെക്കാനുമാണ് സംഘടന ലക്ഷ്യമിടുന്നത്.
പഴയകാല പാചകക്കുറിപ്പുകള്‍, ക്വിസ് മത്സരങ്ങള്‍, അന്താക്ഷരി, നിമിഷനേരം കൊണ്ട് കഥകളും കവിതകളും രചിക്കല്‍ തുടങ്ങിയ മത്സരങ്ങളും സംഗമത്തിന്റെ ഭാഗമായി സംഘടിപ്പിക്കും.
വാര്‍ത്താസമ്മേളനത്തില്‍ സുമതി പി., മോഹന്‍ദാസ് കെ.കെ., സാജന്‍ ടി.പി., പോത്തന്‍ എം.സി., ഉണ്ണികൃഷ്ണന്‍ പി.ആര്‍., മാര്‍ഗരറ്റ് തോമസ്, ഗിരിജ മോഹന്‍ദാസ് എന്നിവര്‍ സംബന്ധിച്ചു.
അഭിപ്രായങ്ങൾ (Comments)