അമ്പലവയല്‍: എടവക അമ്പലവയല്‍ ജങ്ഷന്‍-മുത്താറിമൂല കുന്ന് പ്രദേശങ്ങളില്‍ തെരുവുനായ ശല്യം രൂക്ഷമായതോടെ നാട്ടുകാര്‍ ഭീതിയില്‍. കൂട്ടത്തോടെ അലഞ്ഞുതിരിയുന്ന തെരുവുനായകള്‍ കുട്ടികള്‍ക്കും മുതിര്‍ന്നവര്‍ക്കും വഴിയാത്രക്കാര്‍ക്കും ഭീഷണിയാകുകയാണ്.ദിവസേന നിരവധി ആളുകള്‍ സഞ്ചരിക്കുന്ന റോഡിലൂടെ നായകള്‍ കൂട്ടത്തോടെ അലഞ്ഞുതിരിയുന്നത് യാത്രക്കാര്‍ക്കിടയില്‍ ആശങ്ക സൃഷ്ടിക്കുന്നുണ്ട്. കുട്ടികള്‍ക്കും പ്രായമായവര്‍ക്കും ഭയമില്ലാതെ പുറത്തിറങ്ങാന്‍ കഴിയാത്ത സാഹചര്യമാണ് നിലവിലുള്ളത്.ജനങ്ങളുടെ സുരക്ഷ ഉറപ്പാക്കുന്നതിനായി ബന്ധപ്പെട്ട അധികൃതര്‍ അടിയന്തരമായി ഇടപെടണമെന്നും തെരുവുനായ ശല്യത്തിന് ശാശ്വത പരിഹാരം കാണാന്‍ ആവശ്യമായ നടപടികള്‍ സ്വീകരിക്കണമെന്നുമാണ് നാട്ടുകാരുടെ ആവശ്യം.