സങ്കല്പ്പ് പദ്ധതി വ്യാപിപ്പിക്കുന്നു; എല്ലാ ജില്ലകളിലും ഫെലോഷിപ്പ്
കോഴിക്കോട്: കേന്ദ്ര നൈപുണ്യ വികസന മന്ത്രാലയത്തിന്റെ സങ്കല്പ്പ് പദ്ധതിക്കു കീഴില് ജില്ലാതല സ്കില് കമ്മിറ്റികള് ശക്തിപ്പെടുത്തുന്നു. ഇതിന്റെ ഭാഗമായി ലോകബാങ്ക് സഹായത്തോടെ മഹാത്മാഗാന്ധി ദേശീയ ഫെലോഷിപ്പ് മുഴുവന് ജില്ലകളിലും നല്കും. ഐഐഎം കോഴിക്കോട് ഉള്പ്പെടെ ഒന്പത് സ്ഥാപനങ്ങളുടെ സഹകരണത്തോടെയാണ് ഫെലോഷിപ്പിന്റെ നിലവാരം ഉറപ്പുവരുത്തുന്നത്. രണ്ടു വര്ഷത്തെ അക്കാഡമിക് പരിശീലനം, പ്രായോഗിക പരിശീലനം എന്നിവ ഫെലോഷിപ്പിന്റെ ഭാഗമായി ഉണ്ടാവും. കേരളം, പോണ്ടിച്ചേരി, ലക്ഷദ്വീപ്, തമിഴ്നാട് മേഖലകളിലെ ജില്ലാതല ഓഫീസര്മാര്ക്ക് കിലയില് പരിശീലനം നല്കും. 69 ജില്ലകളിലായി 69 ഫെല്ലോകള് നിലവിലുണ്ട്. ഇത് മുഴുവന് ജില്ലകളിലേക്കും വ്യാപിപ്പിക്കുകയാണ് മന്ത്രാലയത്തിന്റെ ലക്ഷ്യം. ഔറംഗബാദിലെ ഓട്ടോമോറ്റീവ് ക്ലസ്റ്റര് ആണ് സങ്കല്പ്പ് പദ്ധതിയുടെ പൈലറ്റ് പ്രൊജക്റ്റിനായി തെരഞ്ഞെടുത്തിട്ടുള്ളത്.നൈപുണ്യ ഇന്ത്യയുടെ കഴിഞ്ഞ ആറു വര്ഷത്തെ പ്രവര്ത്തനം രാജ്യത്തുടനീളം കാര്യക്ഷമത വര്ധിപ്പിക്കുന്നതിനും തൊഴില് പരിശീലനത്തിന് അടിസ്ഥാന സൗകര്യങ്ങള് വര്ധിപ്പിക്കുന്നതിനും ശ്രദ്ധ പുലര്ത്തിയിട്ടുണ്ട്. സങ്കല്പ്പിനു കീഴില് നൈപുണ്യ വികസന പരിപാടിയുടെ പുരോഗതിക്കായി 2018ല് മന്ത്രാലയം ജില്ലാതല നൈപുണ്യ വികസന ആസൂത്രണ അവാര്ഡ് രൂപീകരിച്ചിരുന്നു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്