മാണി സി. കാപ്പന് യുഡിഎഫിലേക്ക്; എന്സിപി ഇടതു മുന്നണിയില് തന്നെ തുടര്ന്നേക്കും
തിരുവനന്തപുരം: പാലാ സീറ്റ് തര്ക്കത്തിന്റെ പേരില് എന്സിപി മുന്നണി വിടില്ല. മുന്നണി മാറ്റത്തിന് ദേശീയ നേതൃത്വത്തിന് താത്പര്യമില്ലെന്നാണ് സൂചന. പാലാ എംഎല്എ മാണി സി.കാപ്പന് യുഡിഎഫിലേക്ക് പോയാലും മുന്നണി മാറേണ്ടന്നാണ് എന്സിപി ദേശീയ നേതൃത്വത്തിന്റെ നിലപാട്. പാലാ സീറ്റില് മാത്രമേ തര്ക്കമുള്ളുവെന്നും ഒരു സീറ്റിന്റെ പേരില് മുന്നണി വിടേണ്ട സാഹചര്യമില്ലെന്നുമാണ് ശശീന്ദ്രന്റെ നിലപാട്. എന്നാല് മാണി സി. കാപ്പനും അനുയായികളും യുഡിഎഫിലെത്തും. ഇതുസംബന്ധിച്ച് പ്രഖ്യാപനം ഉടന് ഉണ്ടായേക്കും. മുന്നണി മാറ്റം സംബന്ധിച്ച് ദേശീയ നേതൃത്വവുമായി ഇനി ചര്ച്ചയില്ലെന്ന് കാപ്പന് വ്യക്തമാക്കിയിരുന്നു. കേന്ദ്ര നേതൃത്വം അനുകൂല നിലപാട് എടുത്താലും ഇല്ലെങ്കിലും ഞായറാഴ്ച പാലായില് എത്തുന്ന ഐശ്വര്യ കേരള യാത്രയിലൂടെ കാപ്പന് യുഡിഎഫ് പ്രവേശനം നടത്തും.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്