സ്‌കൂള്‍ തുറക്കല്‍; മാനന്തവാടി നഗരസഭയിലെ വിദ്യാലയങ്ങളില്‍ ശുചീകരണ പ്രവര്‍ത്തനങ്ങള്‍ക്ക് തുടക്കമായി
മാനന്തവാടി: കോവിഡ് എന്ന മഹാമാരിയുടെ പശ്ചാത്തലത്തില്‍ ഒരു കൊല്ലവും 8 മാസവുമായി അടഞ്ഞുകിടക്കുന്ന സംസ്ഥാനത്തെ സ്‌കൂളുകള്‍ നവംമ്പര്‍ 1 ന് തുറക്കുന്നതിന്റെ ഭാഗമായി മാനന്തവാടി നഗരസഭയിലെ എല്ലാ വിദ്യാലയങ്ങളിലും ശൂചീകരണ പ്രവര്‍ത്തനങ്ങള്‍ക്ക് തുടക്കം കുറിച്ചു. നഗര സഭാതല ഉദ്ഘാടനം ഒണ്ടയങ്ങാടി സെന്റ് മാര്‍ട്ടിന്‍സ് എല്‍.പി.സ്‌കൂളില്‍ വെച്ച് എഫ്.എസ്.ടി.ഒയുടെ നേതൃത്വത്തില്‍ ജീവനക്കാരും, അധ്യാപകരും, ജനകീയ സഹകരണത്തോടെ മാനന്തവാടി നഗരസഭ ഡെപ്യൂട്ടി ചെയര്‍പേഴ്‌സണ്‍ പി.വി.എസ്.മൂസ നിര്‍വ്വഹിച്ചു. ഡിവിഷന്‍ കൗണ്‍സിലര്‍ ജി.രാമചന്ദ്രന്‍ അധ്യക്ഷത വഹിച്ചു.എസ്. അജയകുമാര്‍, നഗരസഭ വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ അഡ്വ.സിന്ധു സെബാസ്റ്റ്യന്‍, സ്‌കൂള്‍ ഹെഡ്മിസ്ട്രസ് മേരി.പി.മാത്യു, പി.എം.ബെന്നി, സീസര്‍ ജോസ്, സ്മിത ടീച്ചര്‍ എന്നിവര്‍ സംസാരിച്ചു. ബാലചന്ദ്രന്‍ കെ, എം.സമീര്‍, രാജേഷ് ടി.ബി, ജോണ്‍സണ്‍ ടി.എം, ജയരാജ് എം, ശശീന്ദ്രന്‍.വി, ഗിരിജ പുരുഷോത്തമന്‍, വിജയ കുമാര്‍ എം.എന്നിവര്‍ ശുചീകരണ പ്രവര്‍ത്തനങ്ങള്‍ക്ക് നേതൃത്വം നല്‍കി.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍