ഖാദി കേന്ദ്രം പ്രവര്‍ത്തനമാരംഭിച്ചു
പുല്‍പ്പള്ളി:കേരള ഖാദി ഗ്രാമ വ്യവസായ ബോര്‍ഡിന്റെ കീഴിലുള്ള പുല്‍പ്പള്ളി ഭൂതാനത്ത് ഖാദി ഉല്‍പ്പാദന കേന്ദ്രത്തിന് പനമരം ബ്ലോക്ക് പഞ്ചായത്തിന്റെ 2019-20 വികസന പദ്ധതിയില്‍ ഉള്‍പ്പെടുത്തി വര്‍ഷങ്ങളായി അടഞ്ഞുകിടന്ന കെട്ടിടം 15 ലക്ഷം രൂപ ചിലവില്‍ നവീകരണ പ്രവൃത്തി നടത്തിയ കെട്ടിടത്തിന്റെയും ഖാദി വ്യവസായ യൂണിറ്റിന്റെയും ഉദ്ഘാടനം പനമരം ബ്ലോക്ക് പഞ്ചായത്ത് പ്രസിഡന്റ് ടി.എസ് ദിലീപ് കുമാര്‍ നിര്‍വഹിച്ചു.ഖാദി ഓണം മേള പുല്‍പ്പള്ളി ഖാദി ഉല്‍പ്പാദന കേന്ദ്രത്തില്‍ ഗ്രാമ പഞ്ചായത്ത് പ്രസിഡന്റ് ബിന്ദു പ്രകാശ് നിര്‍വഹിച്ചു. വര്‍ഷങ്ങള്‍ക്കുശേഷം പുനരാരംഭിച്ച ഖാദി നെയ്ത്ത് കേന്ദ്രത്തില്‍ 33യോളം ജീവനകാര്‍ക്ക് തൊഴില്‍ ലഭ്യമാക്കിയാണ് ഖാദി നെയ്ത്ത് കേന്ദ്രത്തിന്റെ പ്രവര്‍ത്തനം ആരംഭിച്ചതെന്ന് ബ്ലോക്ക് പഞ്ചായത്ത് പ്രസിഡന്റ് ടി.എസ്.ദിലീപ് കുമാര്‍ പറഞ്ഞു. ബ്ലോക്ക് പഞ്ചായത്ത് വൈസ്പ്രസിഡന്റ് കെ.കുഞ്ഞായിഷാ, ബ്ലോക്ക് പഞ്ചായത്ത് അംഗങ്ങളായ ജയന്തി രാജന്‍, മേഴ്‌സി ബെന്നി, ഗ്രാമ പഞ്ചായത്ത് അംഗം എം.ഡി.കരുണാകരന്‍, എന്‍ യു ഉലഹന്നാന്‍, സജി വിരിപ്പാമറ്റം, സി.പി ജോയി, മണി ഇല്ല്യമ്പം, ബേബി, സുധാകരന്‍ എന്നിവര്‍ പ്രസംഗിച്ചു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍