മാനന്തവാടി: പിലാക്കാവ് സെന്റ് ജോസഫ് എല്‍.പി. സ്‌കൂളിന്റെ എഴുപതാം വാര്‍ഷികാഘോഷ പരിപാടികള്‍ക്ക് തുടക്കമാകുന്നു. സപ്തപഥം 26 എന്ന പേരില്‍ സംഘടിപ്പിക്കുന്ന ആഘോഷങ്ങളുടെ ഉദ്ഘാടനവും ലോഗോ പ്രകാശനവും നഴ്‌സറി കലോത്സവവും നവംബര്‍ 14 ശനിയാഴ്ച വൈകുന്നേരം അഞ്ചിന് സ്‌കൂള്‍ അങ്കണത്തില്‍ നടക്കും.മാനന്തവാടി നഗരസഭ ചെയര്‍പേഴ്‌സണ്‍ ജേക്കബ് സെബാസ്റ്റ്യന്‍ പരിപാടി ഉദ്ഘാടനം ചെയ്യും. ലോഗോ പ്രകാശനം വിദ്യാഭ്യാസആരോഗ്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ പി.വി.എസ്. മൂസ നിര്‍വഹിക്കും. എഴുപതാം വാര്‍ഷിക പ്രഖ്യാപനം വിപിന്‍ സേവ്യറും മുഖ്യപ്രഭാഷണം ഫാ. റോയ്‌സണ്‍ ആന്റണിയും നടത്തും. പി.ടി.എ പ്രസിഡന്റ് ബിബിന്‍ പി.എഫ് അധ്യക്ഷത വഹിക്കും.
വിവിധ ഉപജില്ലാ മേളകളില്‍ വിജയികളായ വിദ്യാര്‍ഥികള്‍ക്കുള്ള സമ്മാനദാനം വാര്‍ഡ് കൗണ്‍സിലര്‍ ഇ.ആര്‍. പ്രദീപന്‍ നിര്‍വഹിക്കും. പ്രോഗ്രാം കമ്മിറ്റി ചെയര്‍മാന്‍ മുജീബ് കോടിയാടന്‍ അറിയിച്ചതാണ് ഇക്കാര്യം.
അഭിപ്രായങ്ങൾ (Comments)