പുല്‍പ്പള്ളി: പുല്‍പ്പള്ളി കൊളവള്ളിയില്‍ കബനി തീരത്തോട് ചേര്‍ന്ന് നിര്‍മ്മിക്കുന്ന ജലസേചന പദ്ധതിയുടെ നിര്‍മ്മാണത്തിനിടെ മണ്ണിടിഞ്ഞ് വീണ് ഒരാള്‍ മരിച്ചു. തമിഴ്‌നാട് ഈറോഡ്‌സ്വദേശി ഭൂമിനാഥന്‍ ( 25) ആണ് മരിച്ചത് കൂടെയുണ്ടായുണ്ടായിരുന്ന  ഈറോഡ് സ്വദേശി പ്രകാശ് (45)ന് പരിക്കേറ്റു. ഇദേഹത്തെ ബത്തേരി താലൂക്ക് ആശുപത്രിയില്‍ പ്രവേശിപ്പിച്ചു. ഇന്ന് ഉച്ചക്ക് 12.30 ഓടെയാണ് സംഭവം. . ജോലിക്കിടെ 10 അടി മുകളില്‍ നിന്ന് മണ്ണ് ഇടിയുകയായിരുന്നു. ഇരുവരെയും ജെ.സി ബി ഉപയോഗിച്ചാണ് നാട്ടുകാരും ഒപ്പമുണ്ടായിരുന്നവരും ചേര്‍ന്ന് പുറത്തെടുത്തത് . പുല്‍പള്ളി സാമൂഹികാരോഗ്യ കേന്ദ്രത്തില്‍ എത്തിച്ചെങ്കിലും ഭൂമിനാഥന്‍ മരിച്ചിരുന്നു. കൊളവള്ളിയില്‍ പുതിയതായി നിര്‍മ്മിക്കുന്ന ജലസേചന പദ്ധതിയാണിത്.