കവരത്തി :ബോബി ആന്‍ഡ് മറഡോണ കവരത്തി ലീഗ് ഫുട്‌ബോള്‍ ചാംപ്യന്‍ഷിപ്പിന്റെ ഒമ്പതാമത് സീസണിന്റെ ഫൈനലില്‍ യു.ഫ്.സി ജേതാക്കളായി. ഫൈനലില്‍ പുഷ്പ ഫുട്‌ബോള്‍ ക്ലബ്ബിനെയാണ് യു.എഫ്.സി പരാജയപ്പെടുത്തിയത്. മുഴുവന്‍ സമയത്തും ഓരോ ഗോളുകള്‍ വീതമടിച്ച് സമനിലയില്‍ പിരിഞ്ഞമത്സരത്തില്‍ പെനാല്‍ട്ടി ഷൂട്ട് ഔട്ടിലൂടെയാണ് 4-2 എന്ന നിലയില്‍ യു.ഫ്.സി കപ്പ് സ്വന്തമാക്കിയത്. ടൂര്‍ണ്ണമെന്റിലെ മികച്ച കളിക്കാരനായി പുഷ്പ ഫുട്‌ബോള്‍ ക്ലബ്ബിന്റെ ഇമ്രാന്‍ ഖാന്‍ തിരഞ്ഞെടുക്കപ്പെട്ടു. സമാപനചടങ്ങില്‍ ലക്ഷദ്വീപ് സ്‌പോര്‍ട്‌സ് ആന്റ് യൂത്ത് അഫയേഴ്‌സ് ഡയറക്ടര്‍ കെ. ബുസാര്‍ ജംഹര്‍ മുഖ്യാതിഥിയായിരുന്നു. ഡെപ്യൂട്ടി കലക്ടര്‍ ടി. കാസിം, പി. ഹബീബ്, ലക്ഷദ്വീപ് അത്‌ലറ്റിക് അസോസിയേഷന് പ്രസിഡന്റ് എം. താഹ മുജീബ് റഹ്മാന്‍ തുടങ്ങിയവര്‍ സംബന്ധിച്ചു
അഭിപ്രായങ്ങൾ (Comments)