തിരുവനന്തപുരം: ഇന്ത്യയിലെ ഏറ്റവും വലിയ ഗ്രാമീണ സാഹിത്യോത്സവമായ വയനാട് ലിറ്ററേച്ചര്‍ ഫെസ്റ്റിവലിന്റെ (ഡബ്ല്യുഎല്‍എഫ്) മൂന്നാമത് എഡിഷന്റെ ഔദ്യോഗിക വെബ്‌സൈറ്റ് കേരള മുഖ്യമന്ത്രി വി.ഡി സതീശന്‍ പ്രകാശനം ചെയ്തു. കേരളാ കൃഷി വകുപ്പ് മന്ത്രിയും ഡബ്ല്യു.എല്‍.എഫ് രക്ഷാധികാരിയുമായ ടി.സിദ്ദിഖ് ചടങ്ങില്‍ അധ്യക്ഷത വഹിച്ചു. ചടങ്ങില്‍ എം.എല്‍.എ മാരായ  ഉഷ വിജയന്‍, ഐ.സി ബാലകൃഷ്ണന്‍, ഫെസ്റ്റിവല്‍ ഡയറക്ടറും മുതിര്‍ന്ന പത്രപ്രവര്‍ത്തകനുമായ  ഡോ. വിനോദ് കെ. ജോസ്  എന്നിവര്‍ സംസാരിച്ചു. 
2026 ഡിസംബര്‍ 20, 21, 22, 23 തീയതികളില്‍ മാനന്തവാടി ദ്വാരകയിലാണ് ഈ വര്‍ഷത്തെ സാഹിത്യോത്സവം അരങ്ങേറുന്നത്.


 ബിനാലെ സങ്കല്‍പത്തില്‍ ഒന്നിടവിട്ട വര്‍ഷങ്ങളില്‍ വയനാട്ടില്‍ സംഘടിപ്പിക്കുന്ന ഈ സാഹിത്യോത്സവത്തില്‍ ഇന്ത്യയിലും വിദേശത്തുമുള്ള നിരവധി എഴുത്തുകാരും സാംസ്‌കാരികപ്രവര്‍ത്തകരും സിനിമാപ്രവര്‍ത്തകരും കലാകാരന്മാരും പങ്കെടുക്കുന്നു. സംവാദങ്ങള്‍, സംഭാഷണങ്ങള്‍, വിപുലമായ അന്താരാഷ്ട്ര അക്കാദമിക കോണ്‍ഫറന്‍സ് എന്നിവയ്‌ക്കൊപ്പം കാലാവസ്ഥാവ്യതിയാനം, കര്‍ഷകരുടെയും ആദിവാസികളുടെയും ഉപജീവനാവകാശങ്ങള്‍ തുടങ്ങിയ വിഷയങ്ങളും ഈ വര്‍ഷം ചര്‍ച്ച ചെയ്യപ്പെടും.
എഴുത്തുകാരന്‍ വി. എച്ച്. നിഷാദ്, പത്രപ്രവര്‍ത്തക ലീന ഗീതാ രഘുനാഥ് എന്നിവര്‍ ഫെസ്റ്റിവല്‍ ക്യുറേറ്റര്‍മാരാണ്. തിരുവനന്തപുരം നഗരസഭാ കൗണ്‍സിലര്‍ കെ. എസ് ശബരീനാഥ്, K-DISC എക്‌സിക്യൂട്ടീവ് ഡയറക്ടര്‍ റിയാസ് പി.എം, എടവക  പഞ്ചായത്ത് അംഗം  ശ്രീ ഷില്‍സണ്‍ മാത്യു, ഫെസ്റ്റിവല്‍ എക്‌സിക്യൂട്ടീവ് പ്രൊഡ്യൂസര്‍ അഖിന്‍ ശ്രീധര്‍, കോണ്‍ടെന്റ് മാനേജര്‍ അജിന്‍, വീഡിയോ ഹെഡ്ഡ് നിധിന്‍ എന്നിവര്‍ പങ്കെടുത്തു.
ണഘഎ മൂന്നാമത് എഡിഷന്റെ  ഉല്‍ഘാടനം ഡിസംബര്‍ 20നു രാവിലെ 11 മണിക്ക് മാനന്തവാടി ദ്വാരകയില്‍ കേരള മുഖ്യമന്ത്രി  വി.ഡി സതീശന്‍ നിര്‍വഹിക്കും. 
ഫെസ്റ്റിവലുമായി ബന്ധപ്പെട്ട കൂടുതല്‍ വിവരങ്ങള്‍ wlfwayanad.comഎന്ന വെബ്‌സൈറ്റില്‍ ലഭ്യമാണ്.