മലപ്പുറം: മാറഞ്ചേരി ഗവണ്‍മെന്റ് ഹയര് സെക്കന്ഡറി സ്‌കൂളിലെയും വന്നേരി ഹയര് സെക്കന്ഡറി സ്‌കൂളിലെയും 201 വിദ്യാര്ഥികള്ക്കും അധ്യാപകരും അനധ്യാപകരുമായി 72 പേര്‍ക്കും കോവിഡ് ബാധ സ്ഥിരീകരിച്ചു. മാറഞ്ചേരി ഗവ. ഹയര് സെക്കന്ഡറി സ്‌കൂളിലെ 148 വിദ്യാര്ഥികള്ക്കും 39 അധ്യാപക അധ്യാപകര്ക്കുമാണ് കോവിഡ് പോസിറ്റീവായത്. വന്നേരി ഹയര് സെക്കന്ഡറി സ്‌കൂളിലെ 33 അധ്യാപകരും 53 വിദ്യാര്ഥികളുമാണ് കോവിഡ് ബാധിതരായത്. 

മാറഞ്ചേരി ഹയര് സെക്കന്ഡറി സ്‌കൂളില് കഴിഞ്ഞ ദിവസം ഒരു വിദ്യാര്ഥിക്ക് കോവിഡ് പോസിറ്റീവ് ആയതിനെത്തുടര്ന്നു സ്‌കൂളില് നടത്തിയ ആര്ടിപിസിആര് പരിശോധനയിലാണ് ബാക്കിയുള്ളവര്‍ക്കും രോഗം സ്ഥിരീകരിച്ചത്. വെള്ളിയാഴ്ച നടത്തിയ ടെസ്റ്റിന്റെ ഫലം ഇന്നലെയാണ് പുറത്തുവന്നത്.

വന്നേരി ഹയര് സെക്കന്‍ഡറി സ്‌കൂളിലെ ഒരു അധ്യാപികയ്ക്ക് കോവിഡ് സ്ഥിരീകരിച്ചതിനെ തുടര്ന്ന് നടത്തിയ ടെസ്റ്റില് സ്‌കൂളിലെ 33 അധ്യാപകര്ക്കും 53 വിദ്യാര്‍ഥികള്ക്കും കോവിഡ് സ്ഥിരീകരിച്ചു. മാറഞ്ചേരി ഗവണ്മെന്റ് ഹയര് സെക്കന്ഡറി സ്‌കൂളില് 590 വിദ്യാര്ഥികള് എസ്എസ്എല്‌സിക്ക് പഠിക്കുന്നുണ്ട്. 348 വിദ്യാര്‍ഥികള് ഹയര് സെക്കന്‍ഡറി വിഭാഗത്തിലുമുണ്ട്. ഈ വിഭാഗത്തില് പരിശോധന നടത്തിയിട്ടില്ല. 

വന്നേരി ഹയര് സെക്കന്ഡറി സ്‌കൂളിലെ മുഴുവന് അധ്യാപകര്‍ക്കും വൈറസ്ബാധ സ്ഥിരീകരിച്ചു. ഇത്രയധികം വിദ്യാര്ഥികള്ക്ക് ഒരുമിച്ച് കോവിഡ് സ്ഥിരീകരിച്ചത് മേഖലയെ ആശങ്കയിലാക്കിയിട്ടുണ്ട്.