ദേശീയം

നാലുമാസത്തെ ഇടവേളയ്ക്ക് ശേഷം ദുബാരെ ആനക്ക്യാമ്പ് സഞ്ചാരികള്‍ക്കായി തുറന്നു

നാലുമാസത്തെ ഇടവേളയ്ക്ക് ശേഷം ദുബാരെ ആനക്ക്യാമ്പ് സഞ്ചാരികള്‍ക്കായി തുറന്നു

മൈസൂരു: നാലുമാസത്തോളം അടച്ചിട്ടിരുന്ന കുടക് ജില്ലയിലെ കുശാല്‍നഗറിലെ പ്രശസ്തമായ ദുബാരെ ആനക്ക്യാമ്പ് സഞ്ചാരികള്‍ക്കായി വീണ്ടും തുറന്നു. കര്‍ശന നിയന്ത്രണങ്ങളോടെയാണ് ക്യാമ്പിലേക്കുള്ള പ്രവേശനം പുനഃസ്ഥാപിച്ചിരിക്കുന്നത്.രണ്ട് ആനകള്‍ തമ്മിലുണ്ടായ ഏറ്റുമുട്ടലിനിടെ തമിഴ്‌നാട് സ്വദേശിയായ യുവതി കൊല്ലപ്പെട്ടതിനെ തുടര്‍ന്നാണ് ദുബാരെ ആനക്ക്യാമ്പ് അടച്ചത്. സുരക്ഷാ ക്രമീകരണങ്ങള്‍ ശക്തമാക്കിയ ശേഷമാണ് ഇപ്പോള്‍ ക്യാമ്പ് വീണ്ടും തുറന്നത്.ആദ്യഘട്ടത്തില്‍ രാവിലെ 9.30 മുതല്‍ 11.30 വരെ രണ്ട് മണിക്കൂര്‍ മാത്രമായിരിക്കും സന്ദര്‍ശകര്‍ക്ക് ക്യാമ്പില്‍ പ്രവേശനം അനുവദിക്കുക. ഒരു ബാച്ചില്‍ പരമാവധി 150 സഞ്ചാരികള്‍ക്കാണ് പ്രവേശനം. സന്ദര്‍ശകരെ വിവിധ ഗ്രൂപ്പുകളായി തിരിച്ച് ക്യാമ്പിലേക്ക് കൊണ്ടുപോകും.ക്യാമ്പിലെ 10 ആനകളെ മാത്രമായിരിക്കും നിലവില്‍ സഞ്ചാരികള്‍ക്ക് കാണാന്‍ സാധിക്കുക. സുരക്ഷ കണക്കിലെടുത്ത് സന്ദര്‍ശകരുടെ നീക്കങ്ങള്‍ക്കും നിയന്ത്രണമുണ്ടാകും.ചൊവ്വാഴ്ചകളില്‍ ക്യാമ്പിലേക്ക് പ്രവേശനം അനുവദിക്കില്ല. കൂടുതല്‍ നിയന്ത്രണങ്ങളോടെയും സുരക്ഷാ മാനദണ്ഡങ്ങള്‍ പാലിച്ചുമാണ് ക്യാമ്പിന്റെ പ്രവര്‍ത്തനം പുനരാരംഭിച്ചിരിക്കുന്നത്.


middle_ad

അഭിപ്രായങ്ങൾ (Comments)

കമന്റ് ബോക്സിൽ വരുന്ന അഭിപ്രായങ്ങൾ ഓപ്പൺന്യൂസറിന്റെതല്ല. മാന്യമായ ഭാഷയിൽ വിയോജിക്കാനും തെറ്റുകൾ ചൂണ്ടിക്കാട്ടാനും അനുവദിക്കുമ്പോഴും മനഃപൂർവ്വം അധിക്ഷേപിക്കാൻ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മുന്നറിയിപ്പില്ലാതെ നീക്കം ചെയ്യുന്നതാണ് - എഡിറ്റർ